ولار كىمدەر؟
استانادا مادەنيەت جانە سپورت مينيسترلىگىنىڭ ۇيىمداستىرۋىمەن «جىل سپورتشىسى-2014» سىيلىعىن تابىس ەتۋ ءراسىمى ءوتتى.
كەشتە 2014 جىلى سپورت سالاسىن دامىتۋدا ەلىمىزگە ەڭبەك سىڭىرگەن ءبىر توپ ازامات ماراپاتتالدى.
سالتاناتتى شاراعا مادەنيەت جانە سپورت ءمينيسترى ارىستانبەك مۇحامەدي ۇلى, ادىلەت ءمينيسترى بەرىك يماشەۆ, پارلامەنت ءماجىلىسىنىڭ دەپۋتاتى ولگا شيشيگينا, حالىقارالىق ارەنادا ەلىمىزدىڭ نامىسىن قورعاپ جۇرگەن تانىمال سپورتشىلار مەن ولاردىڭ باپكەرلەرى, سپورت فەدەراتسيالارىنىڭ باسشىلارى, ۇلتتىق كومپانيالار مەن باق وكىلدەرى قاتىستى.
وندا اۋەلى مادەنيەت جانە سپورت ءمينيسترى سپورتشىلاردى وتكەن جىلعى تابىستارىمەن قۇتتىقتاپ, الداعى ۋاقىتتا وتەتىن جارىستاردا قۇرمەت تۇعىرىنىڭ ەڭ بيىك ساتىلارىنان كورىنە بەرۋلەرىنە تىلەكتەستىگىن ءبىلدىردى. وسىدان كەيىن قالىپتاسقان ءداستۇر بويىنشا ءارتۇرلى نوميناتسيالاردا سپورتتى دامىتۋعا قوسقان ۇلەسى ءۇشىن تاعايىندالعان سىيلىقتىڭ ءبىر توپ يەگەرلەرىن ماراپاتتاۋ ءراسىمى ءوتتى. سىيلىقتاردى يەلەرىنە مينيستر ارىستانبەك مۇحامەدي ۇلى, وليمپيادا چەمپيوندارى جاقسىلىق ۇشكەمپىروۆ, ۆلاديمير سميرنوۆ, ولگا شيشيگينا مەن ءبىر توپ سپورت سالاسىنىڭ باسشىلارى تابىس ەتتى.
مينيسترلىك 2014 جىلدىڭ قورىتىندىسىنا سايكەس, 10 نوميناتسيا بويىنشا ۇزدىكتەردى انىقتادى. «جىلدىڭ ۇزدىك سپورتشىسى» اتالىمىندا يليا يلين, گەننادي گولوۆكين, ءزۇلفيا چينشانلو, دەنيس تەن, جاسۇلان قىدىرباەۆ, دانيار ەلەۋسىنوۆ, دميتري بالاندين, نازىم قىزايباي, زارينا دياس, ايبەك نۇعىماروۆ ماراپاتتالدى. «جىلدىڭ ۇزدىك جاتتىقتىرۋشىسى» اتالىمىنداعى سىيلىق جىل سپورتشىلارىنىڭ جاتتىقتىرۋشىلارى ت.بەكتەمىروۆ, د.ءادىلعازين, م.ەلەۋسىنوۆ, ۆ.ني, ا.كازاكوۆ, س.قورجىكەنوۆ, ج.ءومىرزاقوۆ جانە ف.كەرولعا تابىستالدى.
«جىلدىڭ ۇزدىك سپورتتىق فەدەراتسياسى» رەتىندە قازاقستان بوكس فەدەراتسياسى, «قايىق» ەسكەك ەسۋ سپورتى تۇرلەرى فەدەراتسياسى, اۋىر اتلەتيكا فەدەراتسياسى, سۋ سپورتى تۇرلەرى فەدەراتسياسى, ۇلتتىق كونكيمەن جۇگىرۋشىلەر فەدەراتسياسى تانىلدى. «جىلدىڭ ۇزدىك سپورتتىق ۇيىمى» اتاعى ۇلتتىق شتاتتىق كوماندالار جانە سپورتتىق رەزەرۆ ديرەكتسياسى, اۋىر اتلەتيكا وليمپيادالىق دايارلاۋ ورتالىعى, الماتىداعى «شاڭىراق» شاعىن اۋدانىنداعى رەسپۋبليكالىق وليمپيادا رەزەرۆىنىڭ مەكتەپ ينتەرنات-كوللەدجى مەن وسكەمەن قالاسىنداعى وليمپيادالىق دايارلاۋ ورتالىعى تانىلدى. سولتۇستىك قازاقستان وبلىسىنىڭ «رايسوۆسكوە» جشس ديرەكتورى ۆ.كوۆالەنكو, اقتوبە وبلىسىنداعى «پوش ساۋىقتىرۋ ورتالىعى» جشس قۇرىلتايشىسى ا.مامىرباەۆ, «بيىك» جشس (وڭتۇستىك قازاقستان وبل.) ديرەكتورى ب. ءابدۋبايتوۆ جانە «يپك «ZHERSU» جشس ديرەكتورى (الماتى وبل.) ب.وسپانوۆ «جىلدىڭ ۇزدىك مەتسەناتى» نوميناتسياسىندا توپ جاردى.
«ۇزدىك سپورتتىق ايماق» نوميناتسياسىندا پاۆلودار, قاراعاندى, شىعىس قازاقستان وبلىستارىنىڭ دەنەشىنىقتىرۋ جانە سپورت باسقارمالارى ۇزدىك دەپ تانىلدى. «ۇزدىك نۇسقاۋشى – اۋىلدىق جەردەگى سپورت بويىنشا ادىسكەر» اتالىمىنداعى سىيلىقتى ۆ. ۆاسيلەۆ (قوستاناي وبلىسى, قاراسۋ اۋدانى, جەلەزنودوروجنوە اۋىلى) جەڭىپ الدى. «ۇزدىك اۋداندىق دەنەشىنىقتىرۋ جانە سپورت ءبولىمى» – قىزىلوردا وبلىسى جاڭاقورعان اۋدانىنىڭ دەنە شىنىقتىرۋ جانە سپورت ءبولىمى, «جىلدىڭ ۇزدىك جاتتىقتىرۋشىسى» – س.بەيسەباەۆ, الماتى وبلىسى كەربۇلاق اۋدانى شانحاناي اۋىلىنىڭ ەركىن كۇرەس بويىنشا جاتتىقتىرۋشىسى. استانا قالاسىنداعى «الاۋ» مۇز سارايىنىڭ ديرەكتورى ن.نۇروۆ «دەنە شىنىقتىرۋ جانە سپورت سالاسىنداعى ۇزدىك مامان» اتاندى.
بۇدان باسقا, بىرقاتار نوميناتسيا بويىنشا ىنتالاندىرۋ سىيلىقتارى بەلگىلەنگەن. اتاپ ايتقاندا, «ۇزدىك سپورتتىق قۇرىلىس» (سىيلىق يەگەرى – «ءداۋلەت» سپورتكومبيناتى), «جىلدىڭ ءۇزدىك كومانداسى» (دوپتى حوككەي قۇراماسى), سونداي-اق, وزگە دە ءبىرقاتار سپورتشى, جاتتىقتىرۋشى جانە ۇيىمنىڭ ەڭبەگى ەلەنىپ, ىنتالاندىرۋ سىيلىعى تابىس ەتىلدى.
سالتاناتتى شارانىڭ بارىسىندا سەيداحمەت بەردىقۇلوۆ اتىنداعى رەسپۋبليكالىق سىيلىقتىڭ 2014 جىلعى لاۋرەاتتارى ماراپاتتالدى. بۇل سىيلىققا 10 جىلدان استام «كازاحستانسكايا پراۆدا» گازەتىندە ەڭبەك ەتىپ, سپورت تاقىرىبىنا قالام تارتىپ جۇرگەن ارىپتەسىمىز اسقار بەيسەنباەۆ, جاس تا بولسا دەرەكتى فيلمدەر تۇسىرۋمەن اينالىسىپ, كوزگە كورىنىپ جۇرگەن «الماتى» تەلەارناسىنىڭ ءتىلشىسى راۋان وقاسوۆ جانە پاۆلودار وبلىستىق «سارىارقا سامالى» گازەتىنىڭ ءجۋرناليسى فارحاد امىرەنوۆ يە بولدى. ولاردان باسقا مينيسترلىكتىڭ سپورت كوميتەتى ءبىرقاتار سپورت جۋرناليستەرىنىڭ ەڭبەگىن ەلەپ, ىنتالاندىرۋ سىيلىقتارىن تابىس ەتتى.
داستان كەنجالين,
«ەگەمەن قازاقستان».
كەشتە 2014 جىلى سپورت سالاسىن دامىتۋدا ەلىمىزگە ەڭبەك سىڭىرگەن ءبىر توپ ازامات ماراپاتتالدى.
سالتاناتتى شاراعا مادەنيەت جانە سپورت ءمينيسترى ارىستانبەك مۇحامەدي ۇلى, ادىلەت ءمينيسترى بەرىك يماشەۆ, پارلامەنت ءماجىلىسىنىڭ دەپۋتاتى ولگا شيشيگينا, حالىقارالىق ارەنادا ەلىمىزدىڭ نامىسىن قورعاپ جۇرگەن تانىمال سپورتشىلار مەن ولاردىڭ باپكەرلەرى, سپورت فەدەراتسيالارىنىڭ باسشىلارى, ۇلتتىق كومپانيالار مەن باق وكىلدەرى قاتىستى.
وندا اۋەلى مادەنيەت جانە سپورت ءمينيسترى سپورتشىلاردى وتكەن جىلعى تابىستارىمەن قۇتتىقتاپ, الداعى ۋاقىتتا وتەتىن جارىستاردا قۇرمەت تۇعىرىنىڭ ەڭ بيىك ساتىلارىنان كورىنە بەرۋلەرىنە تىلەكتەستىگىن ءبىلدىردى. وسىدان كەيىن قالىپتاسقان ءداستۇر بويىنشا ءارتۇرلى نوميناتسيالاردا سپورتتى دامىتۋعا قوسقان ۇلەسى ءۇشىن تاعايىندالعان سىيلىقتىڭ ءبىر توپ يەگەرلەرىن ماراپاتتاۋ ءراسىمى ءوتتى. سىيلىقتاردى يەلەرىنە مينيستر ارىستانبەك مۇحامەدي ۇلى, وليمپيادا چەمپيوندارى جاقسىلىق ۇشكەمپىروۆ, ۆلاديمير سميرنوۆ, ولگا شيشيگينا مەن ءبىر توپ سپورت سالاسىنىڭ باسشىلارى تابىس ەتتى.
مينيسترلىك 2014 جىلدىڭ قورىتىندىسىنا سايكەس, 10 نوميناتسيا بويىنشا ۇزدىكتەردى انىقتادى. «جىلدىڭ ۇزدىك سپورتشىسى» اتالىمىندا يليا يلين, گەننادي گولوۆكين, ءزۇلفيا چينشانلو, دەنيس تەن, جاسۇلان قىدىرباەۆ, دانيار ەلەۋسىنوۆ, دميتري بالاندين, نازىم قىزايباي, زارينا دياس, ايبەك نۇعىماروۆ ماراپاتتالدى. «جىلدىڭ ۇزدىك جاتتىقتىرۋشىسى» اتالىمىنداعى سىيلىق جىل سپورتشىلارىنىڭ جاتتىقتىرۋشىلارى ت.بەكتەمىروۆ, د.ءادىلعازين, م.ەلەۋسىنوۆ, ۆ.ني, ا.كازاكوۆ, س.قورجىكەنوۆ, ج.ءومىرزاقوۆ جانە ف.كەرولعا تابىستالدى.
«جىلدىڭ ۇزدىك سپورتتىق فەدەراتسياسى» رەتىندە قازاقستان بوكس فەدەراتسياسى, «قايىق» ەسكەك ەسۋ سپورتى تۇرلەرى فەدەراتسياسى, اۋىر اتلەتيكا فەدەراتسياسى, سۋ سپورتى تۇرلەرى فەدەراتسياسى, ۇلتتىق كونكيمەن جۇگىرۋشىلەر فەدەراتسياسى تانىلدى. «جىلدىڭ ۇزدىك سپورتتىق ۇيىمى» اتاعى ۇلتتىق شتاتتىق كوماندالار جانە سپورتتىق رەزەرۆ ديرەكتسياسى, اۋىر اتلەتيكا وليمپيادالىق دايارلاۋ ورتالىعى, الماتىداعى «شاڭىراق» شاعىن اۋدانىنداعى رەسپۋبليكالىق وليمپيادا رەزەرۆىنىڭ مەكتەپ ينتەرنات-كوللەدجى مەن وسكەمەن قالاسىنداعى وليمپيادالىق دايارلاۋ ورتالىعى تانىلدى. سولتۇستىك قازاقستان وبلىسىنىڭ «رايسوۆسكوە» جشس ديرەكتورى ۆ.كوۆالەنكو, اقتوبە وبلىسىنداعى «پوش ساۋىقتىرۋ ورتالىعى» جشس قۇرىلتايشىسى ا.مامىرباەۆ, «بيىك» جشس (وڭتۇستىك قازاقستان وبل.) ديرەكتورى ب. ءابدۋبايتوۆ جانە «يپك «ZHERSU» جشس ديرەكتورى (الماتى وبل.) ب.وسپانوۆ «جىلدىڭ ۇزدىك مەتسەناتى» نوميناتسياسىندا توپ جاردى.
«ۇزدىك سپورتتىق ايماق» نوميناتسياسىندا پاۆلودار, قاراعاندى, شىعىس قازاقستان وبلىستارىنىڭ دەنەشىنىقتىرۋ جانە سپورت باسقارمالارى ۇزدىك دەپ تانىلدى. «ۇزدىك نۇسقاۋشى – اۋىلدىق جەردەگى سپورت بويىنشا ادىسكەر» اتالىمىنداعى سىيلىقتى ۆ. ۆاسيلەۆ (قوستاناي وبلىسى, قاراسۋ اۋدانى, جەلەزنودوروجنوە اۋىلى) جەڭىپ الدى. «ۇزدىك اۋداندىق دەنەشىنىقتىرۋ جانە سپورت ءبولىمى» – قىزىلوردا وبلىسى جاڭاقورعان اۋدانىنىڭ دەنە شىنىقتىرۋ جانە سپورت ءبولىمى, «جىلدىڭ ۇزدىك جاتتىقتىرۋشىسى» – س.بەيسەباەۆ, الماتى وبلىسى كەربۇلاق اۋدانى شانحاناي اۋىلىنىڭ ەركىن كۇرەس بويىنشا جاتتىقتىرۋشىسى. استانا قالاسىنداعى «الاۋ» مۇز سارايىنىڭ ديرەكتورى ن.نۇروۆ «دەنە شىنىقتىرۋ جانە سپورت سالاسىنداعى ۇزدىك مامان» اتاندى.
بۇدان باسقا, بىرقاتار نوميناتسيا بويىنشا ىنتالاندىرۋ سىيلىقتارى بەلگىلەنگەن. اتاپ ايتقاندا, «ۇزدىك سپورتتىق قۇرىلىس» (سىيلىق يەگەرى – «ءداۋلەت» سپورتكومبيناتى), «جىلدىڭ ءۇزدىك كومانداسى» (دوپتى حوككەي قۇراماسى), سونداي-اق, وزگە دە ءبىرقاتار سپورتشى, جاتتىقتىرۋشى جانە ۇيىمنىڭ ەڭبەگى ەلەنىپ, ىنتالاندىرۋ سىيلىعى تابىس ەتىلدى.
سالتاناتتى شارانىڭ بارىسىندا سەيداحمەت بەردىقۇلوۆ اتىنداعى رەسپۋبليكالىق سىيلىقتىڭ 2014 جىلعى لاۋرەاتتارى ماراپاتتالدى. بۇل سىيلىققا 10 جىلدان استام «كازاحستانسكايا پراۆدا» گازەتىندە ەڭبەك ەتىپ, سپورت تاقىرىبىنا قالام تارتىپ جۇرگەن ارىپتەسىمىز اسقار بەيسەنباەۆ, جاس تا بولسا دەرەكتى فيلمدەر تۇسىرۋمەن اينالىسىپ, كوزگە كورىنىپ جۇرگەن «الماتى» تەلەارناسىنىڭ ءتىلشىسى راۋان وقاسوۆ جانە پاۆلودار وبلىستىق «سارىارقا سامالى» گازەتىنىڭ ءجۋرناليسى فارحاد امىرەنوۆ يە بولدى. ولاردان باسقا مينيسترلىكتىڭ سپورت كوميتەتى ءبىرقاتار سپورت جۋرناليستەرىنىڭ ەڭبەگىن ەلەپ, ىنتالاندىرۋ سىيلىقتارىن تابىس ەتتى.
داستان كەنجالين,
«ەگەمەن قازاقستان».
