عالامشاردىڭ ەڭ ادەمi حالقى – قازاقستاندىقتار!

الەم بويىنشا 200-گە تارتا مەملەكەت تۇرعىندارىنىڭ سۋرەتتەرىن ساراپقا سالعان اقش-تىڭ ۇلتتىق گەوگرافيالىق قوعامى  قازاقستاندىقتاردى جاھاننىڭ ەڭ كورىكتى حالقى دەپ تانىدى. Nur.kz سايتى حابارلاعانداي, اتالعان قوعامنىڭ ساراپشىلارى استانالىقتار مەن الما­تىلىقتاردىڭ اراسىنان  100-گە جۋىق ادامنىڭ فوتو­سۋرەتتەرىنە كوڭىل اۋدارىپ, وسىنىڭ نەگىزىندە زەرتتەۋ جۇرگىزىپتى. سونداي-اق, ولار ينتەرنەت ارقىلى ساۋالداما ۇيىمداستىرعان. ال وعان قاتىس­قان 3 مىڭعا جۋىق ازاماتتىڭ با­سىم بولىگى قازاق­تاردى رەڭ-باسى كەلىستى ۇلت دەپ سانايتىندارىن بىلدىرگەن. زەرتتەۋ توبىنىڭ توراعاسى داللەس سكۋلي: «بۇل – سيرەك كەزدەسەتىن ساراپتاما. ويتكەنى, فوتوسۋرەتتەردى تانىمال جەلى Facebook ارقىلى قاراپايىم حالىق باعالادى. ولاردىڭ باعالارى دا ءارتۇرلى بولدى», دەپتى. سونىمەن, ساراپتاما ناتيجەسىندە 4,67 كوەففيتسيەنتتى داۋىس جيناعان قازاقستاندىقتار كوش باستاسا, 4,63 كوەففيتسيەنتپەن برازيليالىقتار ەكىنشى ورىننان كورىنگەن. ودان كەيىن­گى ورىنداردى كۋبالىق­تار, يتاليالىقتار جانە يسپا­نيالىقتار ءوزارا بولىسكەن. ايتا كەتەيىك, وتانداس­تارى­مىزدىڭ كەلبەتى جاڭا گۆينەيا تۇرعىندارى مەن ەۋرووداق ەلدەرىنىڭ ازامات­تارى­نا كوبىرەك ۇناعان كورىنەدى. بۇدان بولەك, ازيانىڭ وڭتۇستىك-شىعىسىنداعى ەلدەر دە جەر­لەستەرىمىزدىڭ ادەمىلىگىن ايتىپ, ينتەرنەت ارقىلى ءوز داۋىستارىن بەرىپتى. جولدىباي بازار, «ەگەمەن قازاقستان».