الدا ونەركاسىپتىك نىساندار تۇر

جوسپار بويىنشا 2014-2015 جىلدارعا 492 نىسان كوزدەلگەن, ونىڭ ىشىندە 160 نىسان ساتىلىپ, 122-ءسى ساۋدا-ساتتىقتا تۇر. سونداي-اق, 210 نىسان باعالانىپ, ۇستىمىزدەگى جىلدىڭ سوڭىنا دەيىن ساتۋعا شىعارىلادى. بۇل جونىندە پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا قارجى ۆيتسە-ءمينيسترى رۋسلان دالەنوۆ مالىمدەدى. قازاقستان رەسپۋبليكاسىنىڭ ۇكىمەتى بەكىتكەن جەكەشەلەندىرۋدىڭ 2014-2016 جىلدارعا ارنالعان كەشەندى جوسپارىنا سايكەس جەكەشەلەندىرۋدىڭ ەكىنشى تولقىنى 2014 جىلعى شىلدەدە باستالعان بولاتىن, دەدى ۆيتسە-مينيستر. وسى بويىنشا قورىتىندى بايانداماسىن جاساي كەلە, ر.دالەنوۆ وتكىزىلگەن 160 نىساننىڭ 88-ءى قازىرگى بىرلەسىپ يەلىك ەتۋشىلەرگە 22,4 ملرد. تەڭگەگە, ال 39-ى جەكە تۇلعالارعا 1,2 ملرد. تەڭگەگە ساتىلعاندىعىن ايتتى. سونىمەن قاتار, 32 نىساندى ينۆەستور كومپانيالار 6,2 ملرد. تەڭگەگە ساتىپ العاندىعىن حابارلاي وتىرىپ, تاعى ءبىر نىسان «KEGOK» اق-تىڭ «حالىقتىق IPO» بويىنشا 13,1 ملرد.تەڭگەگە حالىقتىڭ قالىڭ توبىنا بۇيىردى, دەدى. ولاردىڭ جالپى ساتۋ سوماسى 42,9 ملرد. تەڭگەنى قۇراعاندىعىن ايتقان ر.دالەنوۆ, ونىڭ 730 ملن.تەڭگەسى رەسپۋبليكالىق بيۋدجەتكە تۇسكەندىگىن اتاپ ءوتتى. جانە دە ۆيتسە-مينيستر جەرگىلىكتى بيۋدجەت 745 ملن. تەڭگەگە تولىقتى, 2,9 ملرد. تەڭگە الەۋمەتتىك-كاسىپكەرلىك كورپوراتسياعا, ال 38,6 ملرد. تەڭگەسى حولدينگتەرگە ءتۇستى دەگەندى قوسا ايتتى. نىساندار ىشىندە ەڭ قىمبات بولىپ تۇرعان «KEGOK» اق ەكەندىگى ءمالىم. ال بۇدان ءارى «قازاقستان تەمىر جولى» اق-تىڭ 5 نىسانى بار ەكەندىگىنە توقتالعان ر.دالەنوۆ ولار تۋرالى دا ايتىپ ءوتتى. جالپى, ۇسىنىلعان ءارتۇرلى سالالارداعى 160 نىساننىڭ سانى بويىنشا قىزمەت كورسەتۋ سالاسى الدا كەلەدى. ونەركاسىپتىك نىساندار ەڭ كوپ سومانى – 25 ملرد. تەڭگەنى بەرەدى, دەدى ۆيتسە-مينيستر. ەلميرا ماتىباەۆا, «ەگەمەن قازاقستان».