بىردە سەپكىل بەت سارى بالا قاڭتاردىڭ ساقىلداعان سارى ايازىندا تاس بولىپ قاتىپ قالعان جارتى بولكە ناندى دوپ قىلىپ تەۋىپ ويناپ بارا جاتىر ەكەن. كورگەن جاننىڭ يمانى قاسىم بولعانداي. توقتاتىپ الىپ, ونىڭ بۇل ءىسىنىڭ دۇرىس ەمەس ەكەندىگىن ايتىپ جاتىر ەدىك, مانادان بەرى كورىپ تۇرعان كورشى اقساقال دا ەنتەلەي جەتىپ كەلدى دە, سابىرمەن اقىلىن ايتا باستادى. سەپكىل بەت سارى بالا ءبىزدىڭ ايتقانىمىزدى ساناسىنا قۇيىپ الدى ما, جوق پا, ول اراسى بەلگىسىز.
– شەتەلدە مۇنداي قوقىس جاشىكتەرى بىرنەشە توراپقا بولىنگەن. بىرىنە ازىق-ت ۇلىك قالدىعىن سالسا, ەكىنشىسىنە پلاستيكالىق بوتەلكەلەرىن سالادى. ءبارى رەت-رەتىمەن, – دەيدى اقساقال, – بىزدە دە وسىلاي جاساۋعا بولماس پا ەكەن؟ ماسەلەن, مىنا ناننىڭ قالدىقتارىن تازا كۇيىندە جيناپ قويسا, وسى قالادا مال باعاتىندار بار ەمەس پە؟ تىم قۇرىسا مال ازىعىنا جارايدى عوي. تاياۋدا باسپاسوزدەن شەتەلدەگى ونەرى وزعان جۇرت ازىق-ت ۇلىكتىڭ قالدىعىن تىڭايتقىشقا اينالدىرىپ, كادەگە جاراتاتىنى تۋرالى وقىدىم. بۇگىنگى ۇرپاق نان قادىرىن دە بىلمەيدى.
اقساقالدىڭ ايتقانى ءجون. ال ءبىز قىمباتشىلىق قىسىپ بارا جاتىر دەيمىز. ىسىراپتى ۇمىتقان ۇرپاقتىڭ كەلەشەگى نە بولماق؟
كوكشەتاۋ
