جاس جىگىت ءوزىنىڭ تۋعان اكەسىن ەشقاشان بىلمەگەنىن, ال اناسى اتا-انا قۇقىعىنان ايىرىلعانىن تۇسىندىرگەن.
«ازاماتتارعا ارنالعان ۇكىمەت» مەملەكەتتىك كورپوراتسياسى بالا اسىراپ الۋشىنىڭ تالاپ قويۋشىنى بار بولعانى التى اي تاربيەلەگەنىن, بۇل جەتكىلىكسىز مەرزىم دەپ تانىلعانىن العا تارتىپ, ارىزدى قاناعاتتاندىرۋدان باس تارتقان. ەسىمنىڭ ءارپىن وزگەرتۋدەن باس تارتۋدى ەش نەگىزدەمەگەن.
مەملەكەتتىك مەكەمەنىڭ شەشىمىمەن كەلىسپەگەن جاس جىگىت سوتقا جۇگىنگەن.
ءبىرىنشى ساتىداعى سوت مەملەكەتتىك ورگاننىڭ ارەكەتىن زاڭدى دەپ تانىپ, تالاپ قويۋدى قاناعاتتاندىرۋدان باس تارتقان.
الايدا, اپەللياتسيالىق سوت بۇل شەشىمنىڭ كۇشىن جويىپ, مەملەكەتتىك ورگاننىڭ باس تارتۋىن زاڭسىز دەپ تانىپ, تالاپ قويۋشىنىڭ تالاپ قويۋىن قاناعاتتاندىردى.
اپەللياتسيا «نەكە (ەرلى-زايىپتىلىق) جانە وتباسى تۋرالى» كودەكستىڭ 257-بابىنىڭ نورماسىنا سايكەس, ءوتىنىش بەرۋشى ءوزىن ءىس جۇزىندە تاربيەلەگەن ادامنىڭ تەگىن جانە/نەمەسە اكەسىنىڭ اتىن الۋعا قۇقىلى دەپ اتاپ كورسەتكەن.
زاڭ بالانى تاربيەلەۋ فاكتىسىن راستاۋ ءۇشىن قاجەتتى ەڭ از ۋاقىت كەزەڭىن بەلگىلەمەيدى. بۇل رەتتە تالاپ قويۋشى كامەلەتكە تولماعان كەزدە اسىراپ الۋشى قايتىس بولعان, بۇل تەگىن وزگەرتۋگە كەدەرگى بولا المايدى.
اتاۋعا كەلەتىن بولساق, سوت ءارىپتى اۋىستىرۋدان باس تارتۋعا زاڭدى نەگىزدەردىڭ جوقتىعىن اتاپ ءوتتى, سوندىقتان تالاپ قويۋشىنىڭ تالاپتارى زاڭدى دەپ تانىلدى.
اپەللياتسيالىق ساتىداعى سوتتىڭ شەشىمىنە شاعىم جاسالماعان جانە زاڭدى كۇشىنە ەنگەن.
