«اباي جولى» رومان-ەپوپەياسىنىڭ كومپوزيتسيالىق ەرەكشەلىگى» تاقىرىبىندا وتكەن اشىق ساباققا «مانساپ» ورتالىعىنىڭ جەتەكشىسى راقىمبەردى جەتىباي, №131 مەكتەپ-ليتسەيدىڭ باسشىسى روزا دوستانوۆا مەن ءبىلىم الۋشىلاردىڭ جەتەكشىلەرى قاتىستى. اشىق ساباقتى فيلولوگيا فاكۋلتەتىنىڭ «قازاق ءتىلى مەن ادەبيەتى» ءبىلىم بەرۋ باعدارلاماسىنىڭ 4 كۋرس ستۋدەنتى ايدا اداەۆا وتكىزدى.
ساباق بارىسىندا ءبىلىم الۋشى كۇردەلى تەرميندەرگە ناقتى جانە ەگجەي-تەگجەيلى تۇسىنىكتەمە بەرىپ, اۋديتوريانى وقۋ پروتسەسىنە تارتۋ قابىلەتىن كورسەتە وتىرىپ, تاماشا وقىتۋشىلىق شەبەرلىگىن كورسەتتى. وقۋشىلار دا بەلسەندى قاتىسىپ, بۇل توپتىق جۇمىستى ءساتتى باعالاۋعا ىقپال ەتتى.
ءوز كەزەگىندە بولات تىلەپ ستۋدەنتتەرىمىزدىڭ ۇنەمى وزىق بىلىممەن قارۋلانۋىنا باعىتتالاتىن ءبىلىم بەرۋ ورتاسىن قالىپتاستىرۋدىڭ ماڭىزدىلىعىنا توقتالىپ, ستۋدەنتتەر ۋنيۆەرسيتەتتىڭ زياتكەرلىك دامۋىنىڭ نەگىزگى درايۆەرلەرى ەكەنىن اتاپ ءوتتى. سونداي-اق مەكتەپ وقۋشىلارىن ەلىمىزدىڭ بولاشاق ۇرپاعى ءۇشىن اسا قاجەت پەداگوگيكالىق ماماندىقتى تاڭداۋعا شاقىردى. سونىمەن قاتار, ستۋدەنت پەن ونىڭ بارلىق تالىمگەرلەرىنە بۇگىنگى جوعارى دەڭگەيدە ۇيىمداستىرىلعان ساباق بارىسى ءۇشىن العىس ايتتى.
ايتا كەتەيىك, مۇنداي ءىس-شاراعا اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ باسقارما توراعاسى-رەكتور بولات تىلەپتىڭ جانە دە باسقا دا قوناقتاردىڭ قاتىسۋى - ستۋدەنتتەردىڭ باستامالارىن قولداۋدىڭ ايقىن ۇلگىسى. بۇل ءبىلىم بەرۋ جانە دامۋ ۇدەرىسىندە ۋنيۆەرسيتەت باسشىلىعى مەن ستۋدەنتتەردىڭ ءوزارا ارەكەتتەسۋىنىڭ ماڭىزدىلىعىن كورسەتەدى.
