شىمكەنتتىك ەگىز قىزدار نۇرسەزىم تۇرلىبەك پەن گۇلسەزىم تۇرلىبەك جارىس كوركىن قىزدىردى. ولار ءوز سالماقتارىندا وتە جاقسى بەلدەسىپ, قارسىلاس شاق كەلتىرگەن جوق. ناتيجەسىندە, نۇرسەزىم 63 كيلودا, ال گۇلسەزىم 70 كيلودا توپ جارىپ, ءبىر ءۇيدىڭ قىزدارى ءبىر كۇندە جەڭىس تۇعىرىنان كورىندى.
تەمىر يت
قىتايلار التى اياقتى روبوت يت جاساپ شىعاردى. بۇل دا يەسىنە ادال, قىزمەت قىلادى, ايتقانىن ەكى ەتپەيدى.
بۇنىڭ كادىمگى ءۇي جانۋارىنان ايىرماشىلىعى, تەمىر يت جىلدام قوزعالىپ, اۋىر جۇكتەردى كوتەرە الادى. قۇلتەمىر مۇزدا تايعاناماس ءۇشىن ارنايى اياق كيىممەن, جىلۋ ۇستاپ تۇراتىن قۇرىلعىمەن جابدىقتالعان. سول سەبەپتى 40 گرادۋس سۋىقتا دا ۇزدىكسىز 4 ساعات جۇمىس ىستەۋگە مۇمكىندىگى جەتەدى.
اۋە تاكسيى
اقش-تا كۇنى كەشە ۇشاتىن قوعامدىق كولىك تانىستىرىلدى. «eVTOL» نۇسقاسىنداعى اۋە كولىگىنىڭ سالماعى 3 توننا.
ۇشاتىن تاكسي ازىرگە جەردەن باسقارىلادى. ال كەلەشەكتە ارنايى ماماننىڭ باقىلاۋىندا بولادى. ءتورت جولاۋشىعا ارنالعان. ءبىر باعىتقا ۇشۋ قۇنى 100 دوللار. كومپانيا وكىلدەرىنىڭ ايتۋىنا قاراعاندا, بۇل سوما كەيىن سۇرانىستىڭ ارتۋىنا قاراي ارزانداۋى مۇمكىن.
