الدا اۋقىمدى ىستەر تۇر

ەلباسى نۇرسۇلتان نازارباەۆ استانا اكىمى ادىلبەك جاق­سى­بەكوۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى. قابىلداۋ بارىسىندا ءا.جاق­سىبەكوۆ مەملەكەت باسشى­سىنا قالانىڭ الەۋمەتتىك-ەكونو­ميكالىق دامۋى, نەگىزگى مەملە­كەت­تىك باعدارلامالاردىڭ جۇزەگە اسىرىلۋ جايى, سونداي-اق, استانانىڭ الداعى قوعامدىق-ساياسي جانە مادەني-بۇقارالىق ءىس-شارالارعا ازىرلىك بارىسى تۋرالى باياندادى. قازاقستان پرەزيدەنتى ەلوردادا اۋقىمدى جۇمىس اتقارۋ قاجەت بولاتىنىن اتاپ ايتتى. – بيىل قازاقستان حالقى اسسامبلەياسىنىڭ 20 جىلدىعى اتاپ وتىلەدى. وسىعان بايلانىستى ناۋرىز بەن قازاقستان حالقىنىڭ بىرلىگى كۇنىن حالقىمىزدىڭ تۇتاس­تىعى مەن كوپەتنوستى قوعامداعى كەلىسىم تاقىرىبىمەن ورايلاس­تىرىپ مەرەكەلەگەن ءجون. بۇل جۇمىستاردى قازىردەن باستاۋ كەرەك. تاعى ءبىر ماڭىزدى تۇس – ەكسپو-2017 حالىقارالىق كور­­مە نىساندارىنىڭ قۇرىلىسى, بۇعان دا ەرتە قامدانۋ قاجەت, – دەدى نۇرسۇلتان نازارباەۆ. مەملەكەت باسشىسى استاناعا ايرىقشا ماڭىز بەرىلگەن «نۇر­لى جول» باعدارلاماسىن جۇزەگە اسىرۋ ماسەلەلەرىنە ارنايى نازار اۋداردى. اتاپ ايتقاندا, وسى باعدارلاما اياسىندا ەلوردانىڭ تۇرعىن ءۇي-كوممۋنالدىق شارۋاشىلىعىن جاڭعىرتۋ, ينفراقۇرىلىمىن دامىتۋ جۇمىستارى اتقارىلاتىن بولادى. قازاقستان پرەزيدەنتى قالانىڭ ينۆەستيتسيالىق تارتىمدىلىعىن ۇدايى ارتتىرۋ, شاعىن جانە ورتا بيزنەس سۋبەكتىلەرىن ىلكىمدى قولداۋ قاجەتتىگىنە توقتالدى. نۇرسۇلتان نازارباەۆ الەۋ­مەتتىك سالانى جاقسارتۋعا, ادامي كاپيتالدى دامىتۋعا بايلانىستى مىندەتتەردى ورىنداۋدى جالعاستىرۋدى تاپسىردى. سونىمەن قاتار, مەملەكەت باس­شىسى جىلۋ بەرۋ ماۋسىمىن كى­دىرىسسىز وتكىزۋدىڭ, ەلوردا ءتىرشى­لىگىن ساپالى قامتاماسىز ەتۋگە بارلىق قالالىق قىزمەتتەردىڭ ۇيلەسىمدى قاتىستىرىلۋىنىڭ ماڭىزدىلىعىن اتاپ ءوتتى. قازاقستان پرەزيدەنتى كەزدەسۋ قورىتىندىسى بويىنشا بىرقاتار ناقتى تاپسىرما بەردى.