ەگيپەتتە پۋتين جايلى كىتاپ جارىققا شىقتى

استانا. 5 اقپان. ەگيپەتتە رەسەي پرەزيدەنتى ۆلاديمير پۋتين تۋرالى كىتاپ جارىققا شىقتى. بۇل تۋرالى «ارگۋمەنتى ي فاكتى» حابارلادى. «ەگيپەت ءجۋرناليسى سامي امارا رەسەي پرەزيدەنتى ۆلاديمير پۋتين تۋرالى كىتاپ شىعاردى», - دەلىنگەن حاباردا. «پۋتين... كاپيتال مەن بيلىكتىڭ كۇرەسى» دەپ اتالاتىن كىتاپتىڭ كايردەگى تۇساۋكەسەرى 46-شى حالىقارالىق كىتاپ كورمەسىنىڭ شەڭبەرىندە ءوتتى. كىتاپ اۆتورى امارا 80-ءشى جىلداردىڭ اياعىنان باستاپ ەگيپەتتىڭ «ءال-احرام» اتتى ورتالىق گازەتىنىڭ ماسكەۋدەگى مەنشىكتى ءتىلشىسى بولعان. ونىڭ ايتۋىنشا, «ۆلاديمير تۋرالى ارابتار جازعان ءبىرىنشى كىتاپ» بولىپ وتىر. رف پرەزيدەنتى ۆلاديمير پۋتين الداعى 9-10 اقپان كۇندەرى كايرگە جۇمىس ساپارىمەن كەلىپ, رەسەي-ەگيپەت قارىم-قاتىناسىن دامىتۋدىڭ پەرسپەكتيۆاسىن تالققىلاۋعا قاتىسادى. كرەملدىڭ ءباسپاسوز قىزمەتى حابارلاعانداي, كەزدەسۋ بارىسىندا تاياۋ شىعىس ايماعى مەن سولتۇستىك افريكادا, بارىنەن بۇرىن يراكتا, سيريادا, ليۆيادا قالىپتاسىپ وتىرعان جاعداي, سونداي-اق پالەستينا-يزرايل قارىم-قاتىناسىن رەتكە كەلتىرۋ ماسەلەلەرى تۋرالى پىكىر الماسىلادى. مۇرات ايتقوجا. دەرەك, فوتو: ارگۋمەنتى ي فاكتى.