دەپۋتات پرەزيدەنت اتاپ وتكەن تسيفرلاندىرۋ ۇدەرىسىنىڭ پايداسىن كورۋمەن بىرگە قاۋپىنەن ساقتانۋعا شاقىرعان.
«تسيفرلاندىرۋ – ەلدىڭ دامۋىنا ۇلكەن ۇلەس قوسىپ جاتقان سالا. الايدا, ونىڭ دامۋىمەن بىرگە جاڭا قاۋىپتەر دە پايدا بولىپ جاتىر. سونىڭ ءبىرى – الاياقتىقتىڭ كوبەيۋى. ازاماتتارىمىز ينتەرنەتتەگى ءتۇرلى الاياقتاردىڭ قۇربانى بولىپ, جالعان اقپاراتتارعا الدانىپ قالىپ جاتىر. سونىمەن قاتار, الەۋمەتتىك جەلىلەر ارقىلى قوعامعا تەرىس اسەر ەتەتىن اقپاراتتىق «قوقىستار» مەن جالعان كونتەنتتەردىڭ تارالۋى – ۇلكەن ماسەلە», دەيدى گ. شيپوۆسكيح.
ايتۋىنشا, بۇل ماسەلەلەر ەلدىڭ قاۋىپسىزدىگى مەن تۇتاستىعىنا كەرى اسەر ەتەدى. سوندىقتان گ. شيپوۆسكيح بۇل دۇنيەلەرگە ءتيىستى ورگاندار نازار اۋدارىپ, ناقتى شارالار قابىلداۋى قاجەت ەكەندىگىن جەتكىزگەن.
«تسيفرلاندىرۋ – ەلدىڭ دامۋى مەن وركەندەۋى ءۇشىن ۇلكەن مۇمكىندىك. ول مەملەكەتىمىزدى العا جەتەلەۋدىڭ باستى قۇرالدارىنىڭ ءبىرى بولىپ, ەكونوميكامىزدىڭ قارقىندى دامۋىنا ۇلەس قوسۋى ءتيىس. الايدا تسيفرلاندىرۋ سالاسى جاقسىلىقتىڭ نەگىزى بولۋمەن قاتار, ونى تەرىس باعىتتا پايدالانۋ قاۋپى دە بار. كىمدە-كىم وسى مۇمكىندىكتەردى تەرىس قۇرال رەتىندە قولدانسا, ول زاڭ الدىندا جاۋاپ بەرۋى كەرەك», دەيدى دەپۋتات.
