فوتو: egov.kz
پرەزيدەنت ۇكىمەتتىڭ الەۋمەتتىك كومەك ماسەلەسىنە كەلگەندە تىم ساقتىق تانىتىپ جاتقانىن ايتىپ, دەسە دە, ناقتى ۇسىنىستار مەن ونى شەشۋ جولدارىن قاراۋ قاجەت ەكەنىنە نازار اۋداردى.
«قازاقستان – شىن مانىندە الەۋمەتتىك مەملەكەت. بىراق بۇل – ازاماتتارىمىزدىڭ, اسىرەسە, وسكەلەڭ ۇرپاقتىڭ ەڭبەك ەتۋگە ىنتاسىن ازايتىپ, ولاردى ماسىلدىققا ۇيرەتۋ دەگەن ءسوز ەمەس. قازاقستانعا كورشى ەلدەردەن ءجۇز مىڭداعان ەڭبەك ميگرانتى جۇمىس ىزدەپ كەلىپ جاتىر. ولاردىڭ بۇل ارەكەتىن قۇرمەتكە لايىق دەۋگە بولادى. سەبەبى ولار وتباسىنا ناپاقا تابۋ ءۇشىن جۇمىس ىستەگىسى كەلەدى», دەدى پرەزيدەنت.
مەملەكەت باسشىسى تۇرعىن ءۇي قورىن باسقارۋ جۇيەسىن جاپپاي رەفورمالاۋ ماڭىزدى مىندەت ەكەنىن اتاپ ءوتتى.
«قالا قۇرىلىسىن جوسپارلاۋدان باستاپ, نىسانداردى پايدالانۋعا بەرۋگە دەيىنگى بارلىق ۇدەرىستى تسيفرلىق فورماتقا تولىق كوشىرۋ قاجەت. بىرىڭعاي اقپارات جۇيەسىن جىل سوڭىنا دەيىن ازىرلەۋ كەرەك. ءبىز بىلتىر تۇرعىن ءۇي قۇرىلىسى بويىنشا رەكوردتىق كورسەتكىشكە قول جەتكىزدىك (19 ملن. شارشى مەتر). بۇل – وتە جاقسى. بىراق تۇرعىن ءۇيدىڭ سانىنا ەمەس, ساپاسىنا جانە ونىڭ قولجەتىمدى بولۋىنا باسا نازار اۋدارعان ءجون», دەدى قاسىم-جومارت توقاەۆ.
