قۇرمەتكە لايىق ازامات

پاۆلودار وبلىسى شارباقتى اۋدانىندا 1990 جىلدارى 37 مەكتەپتىڭ 3-ءى قازاق تىلىندە بولدى. وزگە ۇلت وكىلدەرى كوپ تۇردى. قازاق تىلىندە ءبىلىم الاتىن وقۋشىلاردىڭ سانى 2000 جىلدارى 62 پايىزعا جەتتى. وسى ءبىر يگىلىكتى ءىستى جۇزەگە اسىرۋعا, اتا-انالارمەن كەزدەسىپ, بالالارىن قازاق مەكتەپتەرىنە بەرۋگە قاھارمان زاعىت باستاعان حالىقارالىق «قازاق ءتىلى» قوعامىنىڭ اۋداندىق فيليالى ۇلكەن ۇلەس قوستى. 1993 جىلى جەرلەسىمىز, ابىز اقىن مۇزافار الىمباەۆتىڭ 70 جىلدىق مەرەيتويىن اتاپ وتۋدە دە ق.زاعىت بەلسەندىلىك تانىتتى. ءتىل ءبولىمى ارقىلى ارنايى كۋرستاردان ءوتىپ, ءبىلىمىن جەتىلدىرگەن جاستار بۇگىندە بىلىكتى مامانداردىڭ قاتارىنا قوسىلدى. قازاق ءتىلىن اجەپتاۋىر مەڭگەرىپ العان باسقا ۇلتتىڭ وكىلدەرى دە بار. ق.زاعىت جەر سۋ, اۋىل, كوشە اتاۋلارىنىڭ بايىرعى اتتارىن قايتارۋدا دا ۇلكەن جۇمىس اتقاردى. كوشى-قون, ورالمانداردى ورنالاستىرۋ ماسەلەسىمەن دە شۇعىلداندى. ءتىل مەن وناماستيكا ماسەلەسى ول كىسىنىڭ جۇمىسىنىڭ باستى تاقىرىبى بولدى. اۋداندىق كاسىپكەرلەر وداعىنىڭ توراعاسى تەمىربولات قاراشاشتىڭ ايتۋىنشا, ق.زاعىت 46 جىلدىق ەڭبەك جولىنىڭ 25 جىلىن مەملەكەتتىك قىزمەتكە ارناپتى. ق.زاعىت 1971 جىلى الماتى مال دارىگەرلىك ينستيتۋتىن بىتىرگەن سوڭ وبلىسقا جولدامامەن كەلدى. ەڭبەك جولىن مارالدى كەڭشارىندا مال دارىگەرى بولىپ باستايدى. قاھارمان قاماتاي ۇلىنا اماندىق تىلەيمىز. فاريدا بىقاي. سۋرەت: egemen.kz.