جامبىل وبلىسىندا كوشى-قون زاڭىن بۇزعان شەتەلدىكتەر ەلدەن شىعارىلادى

تاراز. 5 اقپان. جامبىل وبلىسى مەركى اۋدانىندا رەيدتىك ءىس-شارالار بارىسىندا كوشى-قون تۋرالى زاڭدى بۇزعانى ءۇشىن قىتاي حالىق رەسپۋبليكاسىنىڭ 7, ال قىرعىزستاننىڭ 24 ازاماتى ۇستالدى. ولار مەركى اۋدانىنىڭ ءبىر كاسىپكەرىنىڭ تسەحىندا ءۇي مالدارىنىڭ تەرىسىن تازالاۋ بويىنشا جۇمىس اتقارىپتى. بۇل تۋرالى egemen.kz ءتىلشىسى حابارلادى. جەكە باسىن كۋالاندىراتىن قۇجاتتىڭ جوقتىعىنا بايلانىستى قىتايدىڭ جەتى ازاماتىنا قاتىستى ماتەريال تولتىرىلدى. اۋداندىق سوتتىڭ وسى ازاماتتاردىڭ بوستاندىعىن شەكتەۋ جونىندەگى سانكتسياسى الىندى. ۇستالعاندار دەپورتاتسيالاۋ ءۇشىن جامبىل وبلىسى ىشكى ىستەر دەپارتامەنتىنىڭ ۋاقىتشا قابىلداپ-ءبولۋ ورنىنا ورنالاستىرىلدى. ال قىرعىزستان رەسپۋبليكاسىنىڭ 24 ازاماتىنا قاتىستى اكىمشىلىك حاتتاما تولتىرىلىپ, مەركى اۋدانى سوتىنىڭ قاراۋىنا جىبەرىلدى. جالپى العاندا 2014 جىلى جامبىل وبلىسى ءىىد كوشى-قون پوليتسياسى 3 300 قۇقىق بۇزۋشىلىقتى انىقتادى. ۋاقتىلى تىركەلۋ ءتارتىبىن ساقتاماۋ سالدارىنان ەل اۋماعىندا بولۋ ەرەجەلەرىن بۇزۋ بويىنشا 1 486 شەتەلدىك ازامات, بەكىتىلگەن مەرزىمدە قازاقستان اۋماعىنان كەتپەگەنى ءۇشىن ءارى تىركەۋسىز تۇرعانى ءۇشىن 1 587 ادام جاۋاپكەرشىلىككە تارتىلدى. ورالحان ءداۋىت. دەرەك: egemen.kz. سۋرەت: thenwes.kz.