باس پروكۋرور ازاماتتاردى جەكە قابىلدادى

استانا. 5 قاڭتار. باس پروكۋرور اسحات داۋىلباەۆ ۇستىمىزدەگى جىلدىڭ 4 اقپانىندا كەزەكتى رەت ازاماتتاردى جەكە قابىلدادى. ارىزدانۋشىلاردىڭ شاعىمدارى سوت اكتىلەرىنىڭ زاڭدىلىعىنا, سونداي-اق قىلمىستىق پروتسەستىڭ سوتقا دەيىنگى ساتىسىنداعى بۇزۋشىلىقتارعا قاتىستى بولدى. بۇل تۋرالى باس پروكۋراتۋرانىڭ ءباسپاسوز قىزمەتى حابارلادى. ا.داۋىلباەۆ كەلتىرىلگەن بارلىق دالەل-دايەكتەردى جان-جاقتى تەكسەرۋدى قامتاماسىز ەتۋدى, زاڭدىلىقتىڭ بۇزىلۋى انىقتالعان جاعدايدا پروكۋرورلىق قاداعالاۋ اكتىسىن ەنگىزىپ, ازاماتتاردىڭ بۇزىلعان قۇقىقتارىن قالپىنا كەلتىرۋ بويىنشا شارالار قابىلداۋدى تاپسىردى. باس پروكۋروردىڭ جەكە قابىلداۋى بارىسىندا 2014 جىلى 118 شاعىم تۇسكەن. ولاردىڭ باسىم بولىگى سوت اكتىلەرىنە نارازىلىق كەلتىرۋگە (88) قاتىستى بولسا, 23 شاعىم بويىنشا قىلمىستىق قۋدالاۋ ورگاندارىنىڭ پروتسەسسۋالدىق شەشىمدەرىنىڭ زاڭدىلىعىنا جانە الەۋمەتتىك-ەكونوميكالىق سالاداعى شەشىمدەردىڭ (7) بۇرىستىعىنا شاعىم تۇسىرىلگەن. باس پروكۋرور 36 ارىزدانۋشىنى بەينەكونفەرەنتسيالىق بايلانىس ارقىلى قابىلداعان, بۇل جەكە قابىلداۋدىڭ ۋاقىتتى جانە ماتەريالدىق قاراجاتتى ۇنەمدەۋ تۇرعىسىنان ىڭعايلى دا ءتيىمدى ءتۇرى بولىپ تابىلادى. وتىنىشتەردى زەردەلەۋ ناتيجەسىندە باس پروكۋرور سوت اكتىلەرىنە قاداعالاۋ نارازىلىقتارىن ەنگىزىپ, تەرگەۋ جانە انىقتاۋ ورگاندارى اكتىلەرىنىڭ كۇشتەرىن جويدى جانە ارىزدانۋشىلاردىڭ دالەلدەرىن تەرگەۋ جولىمەن تەكسەرۋ ماقساتىندا بىرنەشە قىلمىستىق ءىس قوزعادى. سونداي-اق باس پروكۋراتۋرانىڭ وتىنىشتەردى قاراۋ تۋرالى زاڭداردىڭ قولدانىلۋىن قاداعالاۋ جانە ءىس جۇرگىزۋ باسقارماسىنىڭ قىزمەتكەرلەرى 1 287 ادامدى كۇندەلىكتى جۇمىس بارىسىندا قابىلداعان. نەگىزىنەن ازاماتتار قىلمىستىق, قىلمىستىق-پروتسەستىك زاڭداردىڭ نورمالارىن قولدانۋ, قىلمىستىق قۋدالاۋ ورگاندارى ارەكەتىنىڭ زاڭدىلىعى ماسەلەلەرى بويىنشا شاعىمدانعان. بارلىق سۇراقتار بويىنشا پروكۋرورلار جان-جاقتى ءتۇسىندىرۋ جۇمىستارىن جۇرگىزدى, قاجەتىنە قاراي مۇنداي جۇمىستارعا ءتيىستى بولىمشەلەردىڭ قىزمەتكەرلەرى دە قاتىستىرىلىپ وتىردى. پروكۋراتۋرا ورگاندارىندا ازاماتتاردىڭ بەرگەن وتىنىشتەرىنە ەرەكشە ءمان بەرىلەدى, ويتكەنى بۇل – سەنىم ارتۋ دەڭگەيىنىڭ ماڭىزدى كورسەتكىشى بولىپ تابىلادى. سوندىقتان دا بۇزىلعان قۇقىقتاردىڭ ۋاقتىلى جانە جەدەل قالپىنا كەلتىرىلۋى قاداعالاۋ قىزمەتىنىڭ باستى باسىمدىقتاردىڭ ءبىرى بولىپ قالا بەرمەك. جولدىباي بازار. دەرەك: باس پروكۋراتۋرانىڭ ءباسپاسوز قىزمەتى. سۋرەت: prokuror.gov.kz.