فوتو: اشىق دەرەككوز
IFLA - كىتاپحانا ىسىندەگى كاسىبي مامانداردىڭ ەڭ ءىرى جاھاندىق قوعامدىق ۇيىمى. ول ءارتۇرلى ەلدەردەگى كىتاپحانا ءىسىنىڭ وزىق تاجىريبەسىن جيناقتايتىن جانە تالدايتىن, كىتاپحانادا قىزمەت كورسەتۋدى جانە اقپاراتتى ۇيىمداستىرۋدا حالىقارالىق ستاندارتتاردى بەلگىلەيدى.
استانادا IFLA دۇنيەجۇزىلىك كونگرەسىن وتكىزۋ قازاقستاننىڭ ىسكەرلىك تۋريزم ورتالىعى رەتىندەگى پوزيتسياسىن نىعايتۋ جولىنداعى ماڭىزدى قادام بولماق. حالىقارالىق ءىس-شارا سالا ماماندارىنىڭ كاسىبي دەڭگەيىن جەتىلدىرۋگە جانە كىتاپحانالىق-اقپاراتتىق قىزمەتتەردىڭ ساپاسىن ارتتىرۋعا باعىتتالعان.
وعان قاتىسۋشىلار زاماناۋي ۇردىستەر مەن تەحنولوگيالاردى تالقىلاپ, قولدانۋشىلارعا قىزمەت كورسەتۋ ساپاسىن جاقسارتۋعا اسەر ەتەتىن كىتاپحانالار جۇمىسىنىڭ ءتيىمدى ستاندارتتارىن ايقىندايدى. كونگرەسس ورتالىق ازياداعى كىتاپحانا قاۋىمداستىعىنىڭ ءرولىن نىعايتۋدىڭ ماڭىزدى الاڭىنا اينالادى.
پرەزيدەنت ۇلتتىق قۇرىلتاي وتىرىسىندا كىتاپحانا ءىسى ەرەكشە نازار مەن قامقورلىقتى قاجەت ەتەتىنىن اتاپ ءوتتى. بۇل باعىتتا قازاقستاندا دۇنيەجۇزىلىك كونگرەستى وتكىزۋ ەرەكشە وزەكتى جانە ماڭىزدى بولماق. كونگرەسسكە قاتىسۋشىلار قازاقستاننىڭ باي مۇراسىمەن تانىسىپ, ەلدىڭ تۋريستىك جانە كورنەكتى ورىندارىن تاماشالاي الادى.
«بۇل مىسە-ءىس-شاراسىن وتكىزۋ استاناعا شامامەن 2 ملن ەۋرو تابىس اكەلەدى دەپ كۇتىلەدى. جالپى كىرىس شەتەلدىك دەلەگاتتاردىڭ تۇرۋ, كولىك, تاماقتانۋ جانە باسقا دا قىزمەتتەرگە جۇمساعان شىعىندارى ەسەبىنەن قۇرالادى. ورتاشا ەسەپپەن ءاربىر مەيمان ءوز ساپارى بارىسىندا شامامەن 1400 دوللار جۇمسايدى. اتاپ وتكەن ءجون, حالىقارالىق كىتاپحانالار قاۋىمداستىقتارى مەن مەكەمەلەرى فەدەراتسيالارىنىڭ (International Federation of Library Associations) كونگرەسىن وتكىزۋ قۇقىعى «Kazakh Tourism» كومپانياسى «استانا دامۋ ورتالىعى» جشس جانە «جوو كىتاپحانالار قاۋىمداستىعى» قب بىرلەسە دايىندالعان ءوتىنىم ارقاسىندا بەرىلدى», دەلىنگەن حابارلامادا.
