العاش رەت زاڭنامالىق دەڭگەيدە قامقورشىلىق ورگاندارىنىڭ شتاتتىق سانىنىڭ ءنورماتيۆى بەكىتىلدى, ياعني 5 مىڭ بالاعا ءبىر مامان. بۇگىنگى تاڭدا وڭىرلىك قامقورشىلىق ورگاندارىنىڭ قىزمەتكەرلەرىنىڭ سانى 303-تەن 692 ادامعا دەيىن ارتتى. 2025 جىلى بۇل كورسەتكىشتى ايتارلىقتاي ۇلعايتۋ جوسپارلانىپ وتىر, بۇل بالالار مەن ولاردىڭ وتباسىلارىنا كومەك كورسەتۋدىڭ قولجەتىمدىلىگىن ارتتىرىپ, قامقورشىلىق ورگاندارىنىڭ جۇمىس ساپاسىن جاقسارتۋعا مۇمكىندىك بەرەدى.
«جاڭا شتاتتىق نورما كوپتەگەن ەلدەردە تەڭدەسى جوق بىرەگەي قازاقستاندىق تاجىريبە. ەندى قامقورشىلىق ورگاندارىنىڭ ءاربىر مامانى قاجەتتى قولداۋدى قامتاماسىز ەتە وتىرىپ, بالالارمەن جانە ولاردىڭ وتباسىلارىمەن جاقىن جۇمىس ىستەي الادى», دەيدى مينيستر عاني بەيسەمباەۆ.
قازىر وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتى بالا قۇقىقتارى جونىندەگى ۋاكىلمەن بىرلەسىپ قامقورشىلىق ورگاندارى قىزمەتىنىڭ تيىمدىلىگىن ارتتىرۋ ءۇشىن ادىستەمەلىك ۇسىنىمدار ازىرلەپ جاتىر.
