پاۆلوداردا ونكولوگيالىق ديسپانسەردىڭ قۇرىلىسى ءبىر جىلعا شەگەرىلدى

پاۆلودار. 5 اقپان. پاۆلوداردا سالىناتىن ونكولوگيالىق ديسپانسەردىڭ قۇرىلىسى تاعى دا ءبىر جىلعا شەگەرىلدى. بۇل تۋرالى egemen.kz ءتىلشىسى حابارلادى. باس دارىگەرى مۇرات سۇلەيمەنوۆتىڭ ايتۋىنشا, نەگىزىنەن جوبالىق-سمەتالىق قۇجاتتامالار دايىن. قۇرىلىستى باستاۋعا مەملەكەتتىك ساۋلەت-قۇرىلىس باقىلاۋ باسقارماسىنىڭ رۇقساتى دا بار, الايدا, قارجىلىق جاعدايعا بايلانىستى قۇرىلىستى شەگەرۋگە تۋرا كەلىپ وتىر. دەگەنمەن, قازىرگى ديسپانسەردىڭ جاڭا عيمارات سالىنىپ بىتكەنشە ەشقانداي قيىندىق كەلتىرمەيتىنى انىق. ماماندار جەتكىلىكتى. جالپى, وڭىرىمىزدە بولجام بويىنشا, بيىل قاتەرلى ىسىككە شالدىعۋ كورسەتكىشتەرى 11-20 پايىزعا ارتىپتى. وبىرعا شالدىعۋ كورسەتكىشى 100 مىڭ تۇرعىنعا شاققاندا 30,5 پايىزدى قۇرادى. وبلىستىق دەنساۋلىق ساقتاۋ باسقارماسىنىڭ مالىمەتىنشە, وتكەن جىلى وڭىردەگى ونكولوگيالىق ديسپانسەردىڭ تىزىمىندە 9500 ادام تۇرعان. ال, جىل سايىن وڭىردە 2 مىڭعا جۋىق ادام وسى دەرتكە شالدىعاتىن كورىنەدى. فاريدا بىقاي. دەرەك: egemen.kz. سۋرەت: remarka.kz.