فوتو: freepik.com
الماتى مەن استاناداعى ايىرباستاۋ پۋنكتتەرىندە دوللار ورتا ەسەپپەن 522-526 تەڭگە ارالىعىندا ساتىلىپ جاتىر. ساۋدا-ساتتىق قورىتىندىسى بويىنشا دوللاردىڭ ورتاشا ولشەمدى باعامى 520,91 تەڭگەنى قۇراپ, بىردەن 6,16 تەڭگەگە تومەندەدى. يۋان باعامى تاڭعى ساۋدا-ساتتىق ناتيجەسىندە 71,56 تەڭگەگە دەيىن تومەندەدى (-1,13). اقشا ايىرباستاۋ ورىندارىندا دوللاردى 521,5-524,9 تەڭگەگە, ەۋرونى – 542,5-547,5 تەڭگەگە, ال ءرۋبلدى – 5,15-5,27 تەڭگەگە ساتىپ الىپ/ساتۋدا.
Kurs.kz مالىمەتىنشە, قازىرگى ۋاقىتتا الماتىنىڭ اقشا ايىرباستاۋ پۋنكتتەرىندە دوللار 530 تەڭگەدەن ساتىلىپ جاتىر, ساتىپ الۋ باعامى – 532,5 تەڭگە. ەۋرو 546 – 549 تەڭگە ارالىعىندا قۇبىلىپ تۇر. ال, استانا قالاسى بويىنشا دوللاردى ساتۋ باعامى – 531 تەڭگە, ساتىپ الۋ قۇنى – 533 تەڭگە. ەۋرو 545 تەڭگەدەن ساتىلىپ, 550 تەڭگەدەن ساتىپ الىنادى.ء دال قازىرگى ۋاقىتتا اقشا ايىرباستاۋ ورىندارىندا رەسەي ۆاليۋتاسى 5,07 - 5,17 ارالىعىندا ساۋدالانىپ جاتىر.
Tengenomika Telegram ارناسىنىڭ اۆتورى عالىمجان ايتقازيننىڭ ايتۋىنشا, تەڭگەنىڭ كۇرت كۇش الۋىنا رەسەي ءرۋبلىنىڭ باعامى اسەر ەتتى. ءرۋبلدىڭ نىعايۋىنا ترامپتىڭ قىزمەتىنە كىرىسۋى, ۋكرايناداعى سوعىسقا قاتىستى كەلىسسوزدەردىڭ باستالۋى, سونىمەن قاتار رەسەي بيۋدجەتىنىڭ وتكەن ايدا قوماقتى كىرىس الۋى اسەر ەتكەن. بۇل رەتتە ساراپشى تەڭگە تاعى دا رۋبل باعامى نىعايعان سوڭ, كۇش الدى دەپ تۇجىرىمدايدى.
«وسىلايشا, تەڭگەنىڭ رۋبلگە قاتىستى كەزەكتى سينحروندى قوزعالىسى KASE بيرجاسىنداعى نارىق قاتىسۋشىلارىنىڭ باعىتىن تاعى دا راستاپ وتىر. قىزىعى, سوڭعى كۇندەرى مۇناي باعاسى ءبىرشاما تومەندەگەنىمەن, تەڭگە باعامى وعان ەشقانداي رەاكتسيا بىلدىرمەي وتىر», دەپ جازادى ەكونوميست.
20 قاڭتار كۇنى قازاقستان قور بيرجاسىنداعى ساۋدا-ساتتىقتا دوللاردىڭ «ەكپىنى» باسىلىپ, ۇلتتىق ۆاليۋتا باعامى ءسال-ءپال نىعايعان بولاتىن. ول كۇنى دوللار ورتا ەسەپپەن 529,8 تەڭگەدەن ساتىلدى.
