23 قاڭتاردا ساعات 10:30-دان باستاپ «ەكاتەرينبۋرگ-الماتى» اۆتوجولىنىڭ قايتا جاڭعىرتۋ ۋچاسكەسىندە بالقاش-قاراعاندى باعىتى بويىنشا كولىك قوزعالىسى اشىلدى. مۇنداي شەشىم اۋا رايىنىڭ جاقسارۋىنا جانە كولىكتەردىڭ جينالۋىنا بايلانىستى قابىلدانعان. قوزعالىس قاراعاندى وبلىسىنىڭ اكىمشىلىك پوليتسيا باسقارماسى جانە «قازاۆتوجول» اق قىزمەتكەرلەرىنىڭ قولداۋىمەن ۇيىمداستىرىلىپ وتىر.
«ساعات 12:30-دا وسى ۋچاسكەدە 1630 شاقىرىمدا 19 اۆتوكولىكتىڭ قاتىسۋىمەن ءىرى جول اپاتى ورىن الدى. وقيعا ورنىندا توتەنشە جاعدايلار مينيسترلىگى مەن جەدەل جاردەم قىزمەتكەرلەرى جۇمىس ىستەپ جاتىر. اپاتتىڭ الدىن الا سەبەبى - جىلدامدىقتى ساقتاماۋ», دەپ حابارلادى «قازاۆتوجول».
