ءومىرىڭ ءوز قولىڭدا

وسىدان 15 جىل بۇرىن ونكو­لوگيا اۋرۋلارىمەن كۇرەس جۇرگىزۋ جونىندەگى حالىقارالىق وداق (UICC) 4 اقپاندى – راكقا قارسى بۇكىلالەمدىك كۇرەس كۇنى دەپ جاريا­لاعان ەدى. الايدا, ۋاقىت ادامنىڭ دەنساۋ­لىعى الدىمەن ءوز قولىندا جانە دەر كەزىندە جاسالعان دياگنوستيكا مەن الەۋمەتتىك جاعدايىنا قاتىستى ەكەنىن كورسەتىپ وتىر. وكىنىشكە قاراي, كوپ جاعدايدا قاتەرلى ىسىككە شالدىققاندار الدىن الا تەگىن تەكسەرىلىپ تۇرۋعا بولاتىندىعىنا قاراماستان, دارىگەرگە دەرتى اسقىن­عاندا كەلەدى... ءوز كەزەگىندە قاتەرلى ىسىكتەردى ەمدەۋدىڭ ءتۇرى كوبەيدى, جاڭا پرەپاراتتار پايدا بولۋدا. دەگەنمەن, قازىرگە قازاقستان وبىر دەرتىنە شالدىققانداردى تەگىن ەمدەيتىن بىردەن-ءبىر ەل بولىپ تۇرعانىن ەكىنىڭ ءبىرى بىلە بەرمەيدى. سونىمەن, راكقا قارسى بۇكىل­الەم­­دىك كۇرەس كۇنىن وتكىزۋدىڭ باستى ماقساتى قازىرگى زامانداعى ەڭ اۋىر ناۋقاستىڭ ءبىرى رەتىندە راك ناۋقاسى جايىندا پلانەتا تۇرعىندارىن كەڭ تۇردە حاباردار ەتۋ جانە وسى اۋرۋدىڭ الدىن الۋ, انىقتاۋ جانە ەمدەۋگە قوعامنىڭ نازارىن اۋدارۋ بولىپ تابىلاتىنى بەلگىلى. وعان قوسا سارسەنبى كۇنى باق وكىلدەرىنىڭ قاتىسۋىمەن «بۇعان شامامىز كەلەدى!» ۇرانىمەن «مەدەۋ» مۇز ايدىنىندا كونكي تەبۋ جارىسى ۇيىمداستىرىلدى. بيىل بۇل باستاماعا ونكولوگيا اۋرۋلارىن ەمدەيتىن يننوۆاتسيالىق بيوتەحنولوگيالىق پرەپاراتتاردى شىعارۋدا الەمدىك كوشباسشى بولىپ تابىلاتىن «روش» كومپانياسى ۇيىتقى بولدى. كومپانيا وكىلدەرىنىڭ ايتۋىنشا, ەگەر راكپەن كۇرەستە ارقايسىمىز سالاماتتى ءومىر سالتىن تاڭداپ, سكري­نينگ باعدارلامالارىنا قاتى­ساتىن بولساق جەڭىلىس تاباتىندار بولۋى مۇمكىن ەمەس, سەبەبى, ەرتەرەك جاسالعان دياگنوستيكا راكتان قۇت­قارادى. سونداي-اق, ەگەر كومەككە مۇقتاج بولعانداردىڭ بارلىعى ەمدىك شارالارىمەن قامتىلاتىن بولسا, پاتسيەنتتەردىڭ ءومىر ءسۇرۋ ساپاسى جاقسارادى. بۇگىنگى كۇنى راك – سوڭعى ۇكىم ەمەس. بۇل دەرتتى ادامنىڭ دۇرىس جانە ۋاقىتىندا دياگنوستيكادان ءوتىپ, مۇقيات ەمدەلسە, سالاماتتى ءومىر سالتىن ۇستانسا ۇزاق ءومىر سۇرۋگە بولادى دەۋگە بولادى. قىسقاسى, قاتەرلى ىسىككە شال­دىققانداردى بارلىق ەمدىك شارالارىمەن قامتۋ ءۇشىن بۇل كومپانيا قازاقستان نارىعىنا كەلگەن ساتتەن باستاپ, دارىگەرلەردى وقىتۋ, ينفراقۇرىلىمدى جاقسارتۋ سالاسىندا جۇمىس ىستەپ كەلەدى جانە ەڭ باستىسى, ەل تۇرعىندارى ءۇشىن وزدەرىنىڭ يننوۆاتسيالىق پرەپاراتتارىنىڭ قولجەتىمدىلىگىن ارتتىردى. – ءبىزدىڭ باستى مىندەتىمىز – قازاقستانداعى پاتسيەنتتەر ءۇشىن يننوۆاتسيالىق دياگنوستيكالىق تەحنولوگيالاردى جانە ەمدىك قۇرالدارىن قولجەتىمدى ەتۋ جانە ادامدارعا ومىرلەرىن ۇزارتۋ جانە ءومىر ءسۇرۋ ساپاسىن جاقسارتۋعا جولىندا ءۇمىت سىيلاۋ. «روش» كومپانياسى الەۋمەتتىك-جاۋاپتى كومپانيا رەتىندە ەلدىڭ دەنساۋلىق ساقتاۋ جۇيەسىندە سەنىمدى سەرىكتەس بولا الدى, – دەدى گەورگي راميشۆيلي. – كومپانيامىزدىڭ كوپتەگەن پرەپاراتتارى اقىسىز مەديتسينالىق كومەكتىڭ كەپىلدەندىرىلگەن كولەمى­نە ەنەدى, وسىلايشا ءبىزدىڭ يننو­­ۆاتسيالىق پرەپاراتتار ەل تۇر­عىندارى ءۇشىن قولجەتىمدى بولىپ تابىلادى. قالاي دەسەك تە, مەديتسينانىڭ شاپشاڭ دامۋى ادامزاتقا وسى قاۋىپتى اۋرۋمەن كۇرەسۋگە جاڭا مۇمكىندىكتەر بەردى. ەگەر بۇرىن ىسىككە قارسى تەراپيا پاتسيەنتتىڭ ءومىرىن ساقتاپ قالۋعا جۇمىلدىرىلسا, ال بۇگىندە پاتسيەنتتىڭ ءومىر ءسۇرۋ ساپاسى كەسەلدى ىسىكتى ەمدەۋ ءۇشىن جاڭا پرەپاراتتى جاساۋ كەزىندە ماڭىزدى ءرول اتقارادى. قازىرگى ەرەكشە بيوتەحنولوگيالىق پرەپاراتتارىن پايدالانۋ پاتسيەنتتەردىڭ ءومىرىن 10 جىلعا دەيىن ۇلعايتۋعا, ءسۇت بەزى راگىنىڭ بەلگىلى تۇرىمەن ناۋقاستانعانداردىڭ ءومىرىن 84 پايىزعا دەيىن ۇزارتۋدا. – قوعامنىڭ ساناسىن وزگەرتۋ كەرەك. قازىرگى الەمدىك مەديتسينا قاۋىمداستىعى قاتەرلى ىسىكتەن ەمدەلىپ جۇرگەن ناۋقاستىڭ ەشكىمنەن قالماي, ەل قاتارلى ءومىرىن ءسۇرىپ, ەمنىڭ زياندى اسەرلەرىن بارىنشا بولدىرماۋعا ۇلكەن نازار اۋدارىپ وتىر. وعان قوسا قازاقستاندا مەديتسينا سالاسى شاپشاڭ دامۋ ۇستىندە جانە پاتسيەنتتىڭ ءومىر ءسۇرۋ ساپاسىن جاقسارتۋعا باعىتتالعان شارالار مەملەكەتتىك دەڭگەيدە جۇرگىزىلىپ جاتقانى جۇمىسىمىزدى جەڭىلدەتۋدە, – دەيدى گەورگي راميشۆيلي مىرزا. ايناش ەسالي, «ەگەمەن قازاقستان». الماتى.