فوتو: obk.kz
26 قاڭتاردان باستاپ قىزىلوردا-ارال جولى اقىلى بولادى. بۇل شارا II تەحنيكالىق ساناتقا سايكەس كەلەتىن ۇزىندىعى 454 شاقىرىم ۋچاسكەدە اۆتوبۋستار مەن جۇك كولىكتەرىنە قولدانىلادى.
«رەسەي فەدەراتسياسىنىڭ شەكاراسى (سامارا) – شىمكەنت» رەسپۋبليكالىق ماڭىزى بار جولدىڭ قىزىلوردا-ارال ۋچاسكەسىندە قازىردىڭ وزىندە 6 باقىلاۋ اركاسى مەن حالىققا قىزمەت كورسەتۋ ورتالىعى ورناتىلدى. اركالارداعى جوعارى جىلدامدىقتى كامەرالار اقىلى ۋچاسكەنىڭ بويىمەن كولىكتەردىڭ ءوتۋىن, ولاردىڭ قوزعالىسىنىڭ جىلدامدىعى مەن قارقىندىلىعىن جازىپ الادى», دەلىنگەن حابارلامادا.
پايدالانۋشىلار ءۇشىن تولەمنىڭ 10-عا جۋىق ءادىسى قاراستىرىلعان: ينتەرنەت-بانكينگ, ەلەكتروندىق ءامياندار, تەرمينالدار, تەلەفون بالانسى, E100 جانارماي كارتاسى نەمەسە زاڭدى تۇلعالار ءۇشىن شارت بويىنشا.
«جولاۋشىلار تاسىمالىمەن اينالىساتىن كولىك يەلەرى قىزىلوردا-ارال جولىمەن تەگىن جۇرە الادى. جەرگىلىكتى تۇرعىندارعا ىڭعايلى بولۋ ءۇشىن اي سايىنعى جانە جىلدىق جازىلىمدار قاراستىرىلعان», دەلىنگەن حابارلامادا.
