ميلليونداعان قارجىنى قالاي قايتارامىز؟

2024 جىلدىڭ سوڭىندا «اشىق قۇقىقتىق نورمالار» پورتالىندا رەتتەۋشىلىك اسەردىڭ تالداۋى جاريالاندى. وندا ەل اۋما­عىندا جەڭىل ونەركاسىپ تاۋار­­لا­رىنىڭ كولەڭكەلى اينالى­مى­نىڭ كولەمى 59%-دى, قۇندىق ماندە 925 502 ملن تەڭگەنى قۇراپ وتىرعانى كور­سە­تىلگەن. ەلىمىز­گە الىس-جاقىن شەتەل­دەر­دەن كونترافاكتىلىك جانە كونترا­­بان­دالىق جەڭىل ونەركاسىپ تاۋار­لارى ايتارلىقتاي كولەمدە ەنىپ جاتىر. مۇنداي ونىمدەردىڭ سالىعى مەن تولەمدەرىن تولەمەۋ وتاندىق ونەركاسىپتىڭ دامۋىنا ايتار­لىقتاي كەدەرگىلەر تۋدىراتىنى جازىلعان.

جەڭىل ونەركاسىپ تاۋارلارىن مىندەتتى تاڭبالاۋدى ەنگىزۋ­دىڭ ماقساتى – وتاندىق تاۋار وندىرۋشىلەردىڭ باسەكەگە قابى­لەت­تىلىگىن دامىتۋ مەن ارتتىرۋ. سونداي-اق تاۋارلاردىڭ ەل ىشىن­دەگى قۇن ۇلەسىن ۇلعايتۋ مەن قۇقىقتىق اينالىمدى قام­تا­ما­سىز ەتۋ. وعان قوسا, تۇتىنۋ­شى قۇقىعىن قورعاۋ مەن سالىق جانە كەدەندىك تولەمدەردى جيناۋ­دى ارتتىرا وتىرىپ, ادال باسە­كە­لەس­تىكتى العا وزدىرۋ دا – بىرەگەي مىن­دەت. قۇجاتتا تاڭبالاۋ ەنگى­زىل­­گەن سوڭ 5 جىلدان كەيىن جەڭىل ونەركاسىپ تاۋارلارى نا­رى­­عىن اعارتۋدىڭ بولجامدىق كور­­­سەت­كىشتەرى كەلتىرىلگەن:

• 2025 جىلعا دەيىن – جەڭىل ونەركاسىپ تاۋارلارىنىڭ زاڭ­سىز اينالىمىن 5%-عا قىس­قارتۋ, 46 275,1 ملن تەڭگە;
• 2026 جىلعا – 6%-عا قىسقارتۋ, 52 753,6 ملن تەڭگە;
• 2027 جىلعا – 7%-عا قىسقارتۋ, 57853,1 ملن تەڭگە;
• 2028 جىلعا – 8%-عا قىسقارتۋ, 61 489,6 ملن تەڭگە;
• 2029 جىلعا – 9%-عا قىسقارتۋ, 63 641,7 ملن تەڭگە.

مامانداردىڭ باعالاۋىنشا, 5 جىلدا زاڭسىز تاۋار اينالىمى 282 013,1 ميلليون تەڭگەگە نەمەسە 35%-عا ازايادى. ال ۆەدومستۆو تاڭبا­لاۋ ەنگىزىلگەننەن كەيىن 5 جىلدا وتاندىق ءونىمنىڭ ۇلەسى 15,5%-عا دەيىن ارتادى دەپ بولجاپ وتىر.

2026 جىلعى 1 قاڭتاردان باس­تاپ بولشەك ساۋدادا وتكiزۋ كە­زiن­دە تاڭبالانعان تاۋارلاردى اينالىمنان مiندەتتi تۇردە الىپ تاستاي وتىرىپ, ەل اۋماعىنا اكە­لi­نەتiن نەمەسە وندiرiلەتiن جەڭiل ونەركاسiپ تاۋارلارىن مiندەتتi تاڭبالاۋ ەن­گىزىلمەك. 2027 جىلعى 1 ماۋ­­سىمنان باستاپ سايكەستەندىرۋ قۇرالدارىمەن تاڭ­با­لانباعان جەڭىل ونەركاسىپ تاۋار­­لارىنىڭ اينا­لىسىنا جانە اينا­لىس­تان الىنۋى­نا تىيىم سالى­نا­دى.

«اتامەكەن» ۇكپ وڭدەۋ ونەركاسىبى دەپارتامەنتىنىڭ I ساناتتى ساراپشىسى باقىتجان مومبەكوۆتىڭ ايتۋىنشا, جەڭىل ونەركاسىپ تاۋارىن وندىرۋشىلەر ءونىمىنىڭ تاڭبالانعانىنا قارسى ەمەس, كەرىسىنشە قولداپ وتىر.

«دەسەك تە, ونىمدەردى يمپورتتاۋشىلار قارسى پىكىر بىلدىرەتىن تاعى ءبىر پوزيتسيا بار. وندا قىمبات تەحنولوگيالىق جابدىقتى ەنگىزۋگە بايلانىستى ءونىم باعاسىن كوتەرەتىنىن تۇسىندىرەدى. كۇردەلى تاڭبالاۋ ۇدەرىسى, سونداي-اق ونىمگە قولدانىلاتىن ءاربىر كود پەن قوسىمشا جۇمىسشىلار مەن قىزمەت ءۇشىن وپەراتورعا قو­سىمشا اقى تولەۋى قاجەت», دەدى ساراپشى.

جۇيەگە تاۋارلاردى ەنگىزۋ مەن الىپ تاستاۋدىڭ رەتتەلمەگەن جانە رەتتەلمەيتىن ۇدە­رىسى, شالعاي ايماقتاردا ين­تەرنەتتىڭ ناشارلىعى, تەح­نيكالىق قولداۋ ماسەلەسى سياق­تى ماسەلەلەر ءالى دە پىسىق­تاۋ­دى قاجەت ەتەدى.

«ەلدەگى ەكى ۇيىم – QazTextileIndustry» جەڭىل ونەر­كا­سىپ كاسىپورىندارىنىڭ ۇلت­تىق قاۋىمداستىعى» ۇيىمى مەن «قر جەڭىل ونەر­كاسىپ كا­سىپ­ورىندارىنىڭ قاۋىم­داس­تىعى» جەڭىل ونەركاسىپ ونىمدەرىن شىعاراتىن 200-دەن استام كاسىپ­ورىن­دى بىرىكتىرەدى. اتالعان بىر­لەس­تىكتەر جەڭىل ونەركاسىپ ونىم­دەرىن, سونداي-اق اياق كيىمدى تاڭ­بالاۋدى تولىق قولدايدى», دەيدى باقىتجان ەرتەمىر ۇلى.