اپات

وڭتۇستىكتە بولعان بۇل اۆتوموبيل اپاتى 14 ادامنىڭ ءومىرىن جالماپ كەتتى. وقو ءىىد ءباسپاسوز قىزمەتىنىڭ جەتەكشىسى سالتانات قاراكوزوۆا اۆتواپاتقا كىنالى «Mercedes Sprinter» كولىگىنىڭ جۇرگىزۋشىسى ەكەندىگىن ايتادى. وقيعا الماتى – شىمكەنت تاس جولىنىڭ بويىنداعى بوزارىق ەلدى مەكەنىنىڭ ماڭىندا بولعان. «Mercedes» جۇرگىزۋشىسى الدىندا كەلە جاتقان اۋىر جۇك كولىگى «Howo»-نى باسىپ وزىپ كەتپەك بولادى. «Howo»-نىڭ جول بويىنداعى جانارماي قۇيۋ بەكەتىنە بۇرىلۋعا ىڭعاي تانىتقانىن كورە تۇرا, الدىنا شىعىپ كەتپەكشى بولعان. تاراز – شىمكەنت باعىتىندا جولاۋشىلار تاسىمالدايتىن «Mercedes»-تە 19 ادام بولعان ەكەن. اپاتتى كوزىمەن كورگەندەر ماشينالارىن توقتاتىپ دەرەۋ كومەككە ۇمتىلعان. الايدا, كۇل-تالقانى شىققان كولىكتەگى توعىز ادام, ىشىندە جاس بالا دا بار, سول مەزەتتە جان تاپسىرعان. اۋىر جاراقات العان جولاۋشىلار وبلىستىق جەدەل جاردەم اۋرۋحاناسىنىڭ رەانيماتسيا بولىمىندە جاتىر. ىشىندە جاس بالالار دا بار. قايعىدان قان جۇتقان ­اعا­­ي­­ىن­دارى اللاعا ءمىناجات ەتىپ, ءدارى­­گ­ەرلەردىڭ تۋىستارىن ­امان-ساۋ الىپ قالۋىن تىلەپ, اۋرۋ­حانا ەسىگىن كۇزەتىپ ءجۇر. «Mer­cedes» ءجۇر­­گى­زۋ­شىسى دە ەس-ءتۇسسىز كۇيدە اۋرۋ­­حاناعا تۇسكەن ەكەن. قازىر بەل­گىلى بولعانداي, ول دا كوز جۇمدى. ءبىر ادامنىڭ ءبىر ساتتىك قاتەلىگىنەن ونداعان جان قايتپاس ساپارعا اتتانىپ كەتتى. قانشاما شاڭىراققا قان جۇتقىزعان وسىنداي وقيعالاردىڭ كولىك جۇرگىزۋشىلەرىنە ساباق بولمايتىنى وكىندىرەدى. باقتيار تايجان, «ەگەمەن قازاقستان». وڭتۇستىك قازاقستان وبلىسى.