دەگەنمەن قازاق جانكۇيەرلەرىنىڭ نازارى ءالى دە جاسىل قۇرلىقتا. سەبەبى جاستار اراسىنداعى جارىستا 17 جاستاعى ءامىر ومارحانوۆ جاقسى ونەر كورسەتىپ جاتىر. تۇساۋكەسەر كەزدەسۋىندە ول اقش ويىنشىسى ماتيس فارزامامەن شەبەرلىك بايقاستى. قوس دارىننىڭ اراسىنداعى باسەكە وتە شيەلەنىستى ءوتىپ, ەكى سەت تە تاي-برەيككە دەيىن جالعاستى. ەكەۋى دە 7:6, 7:6 ەسەبىمەن جەرلەسىمىزدىڭ پايداسىنا شەشىلدى. ەكىنشى كەزەڭدە كورت قوجايىنى يمەرالي يبرايميمەن كۇش سىناسىپ, بۇل ويىندا دا اسىعى الشىسىنان ءتۇستى – 6:4, 6:3. ءۇشىنشى كەزەڭدە ءامىر شۆەتسيالىق ۆيلليام رەيچمان ۆينتسيگۋەررامەن كەزدەسەدى.
زاڭعار نۇرلان ۇلى دا مەلبۋرندەگى دودانى ءساتتى باستادى. العاشقى اينىلىمدا ول اۋستراليالىق نيكولاس بەيكەردەن ايلاسىن اسىردى – 6:2, 3:6, 6:3. ءبىر عاجابى, زاڭعار بىردە-ءبىر رەت جاسىل قۇرلىق وكىلدەرىنەن جەڭىلمەگەن ەكەن. بۇل جولى دا ءدال سولاي بولدى. زاڭعار ەندى بولگاريالىق الەكساندر ۆاسيلەۆپەن وينايدى.
