فوتو: قما
انىقتالعانداي, قىلمىستىق توپ «سىباعا» مەملەكەتتىك باعدارلاماسى اياسىندا ءىرى قارا مال ساتىپ الۋعا باعىتتالعان سۋبسيديالاۋعا بولىنگەن جەڭىلدەتىلگەن كرەديتتەر الۋدىڭ الاياقتىق سحەماسىن پايدالانعان.
ول ءۇشىن كەنتاۋ قالاسىندا «ياسسى-كرەديت نس «كرەديتتىك سەرىكتەستىگى» جشس قۇرىلىپ, ءىس جۇزىندە جوق «Expert Consulting Group» جشس اتىنان جالعان قۇجاتتار مەن م ۇلىكتى باعالاۋلاردىڭ جالعان اكتىلەرىن جاساعان.
«مەملەكەتتىك نەسيە الۋ وتىنىمدەرىن قاراۋ جونىندەگى كوميسسيانىڭ توراعاسى بولىپ قىزمەت اتقارعان ۇيىمداستىرۋشى قىلمىستىق سحەمانى ازىرلەپ, قاتىسۋشىلاردىڭ ارەكەتتەرىن ۇيلەستىرگەن. ول الەۋەتتى قاتىسۋشىلاردى ىزدەپ, ولاردىڭ رولدەرىن ءبولىپ, جالعان نەسيەلەر راسىمدەۋ پروتسەسىن باقىلاعان. سونداي-اق, قۇجاتتاردى راسىمدەۋ ءۇشىن جەكە تۇلعالاردى ىزدەۋگە نۇسقاۋ بەرىپ وتىرعان جانە بۇرمالانعان سالىستىرۋ اكتىلەرىن جاساۋعا قاتىسىپ, اي سايىنعى تولەمدەرگە باقىلاۋ جاساعان, ال جىمقىرىلعان قاراجات توپ مۇشەلەرى اراسىندا ءبولىنىپ وتىرعان», دەلىنگەن حابارلامادا.
قازىرگى ۋاقىتتا قىلمىستىق ءىس اياسىندا 27 ادام كۇدىكتى دەپ تانىلعان. سونىمەن قاتار, جالپى سوماسى 1 ميلليارد تەڭگەدەن استام كۇدىكتىلەردىڭ مۇلكىنە تىيىم سالىنعان.
