فوتو: ۇكىمەتتىڭ ءباسپاسوز قىزمەتى
جاسلان ماديەۆتىڭ ايتۋىنشا, بۇل كورسەتكىش 2023 جىلدىڭ سايكەس كەزەڭىمەن سالىستىرعاندا 26%-عا ارتىق. دەگەنمەن, 2024 جىلدىڭ قورىتىندىسى بويىنشا ودان دا جوعارى ساندار كۇتىلەدى. ۆەدومستۆونىڭ بولجامى بويىنشا, IT-قىزمەتتەر ەكسپورتىنىڭ سوماسى شامامەن $700 ملن-دى قۇراۋى مۇمكىن.
«قازاقستاننىڭ IT-ەكسپورتىن ىلگەرىلەتۋ كەزىندە Astana Hub باستى ءرول اتقارادى. ونداعى رەزيدەنتتەر سانى 1,5 مىڭ كومپانيادان استى, ونىڭ ىشىندە 400-ءى حالىقارالىق كومپانيا. ولاردىڭ جالپى كىرىسى 2024 جىلى 620 ملرد تەڭگەنى قۇرادى. بۇل رەتتە ەكسپورتتان تۇسەتىن تابىس – 227 ملرد تەڭگە, ياعني $479 ملن», دەلىنگەن حابارلامادا.
ايتا كەتەيىك, Astana Hub رەزيدەنتتەرىنىڭ ەكسپورتتىق گەوگرافياسى 90-نان استام ەلدى قامتيدى. Astana Hub رەزيدەنتتەرىنەن باسقا «ۇلتتىق اقپاراتتىق تەحنولوگيالار» اق-نىڭ GovTech ونىمدەرى العاش رەت ەكسپورتقا شىقتى. مۇنداي شەشىمدەردىڭ قاتارىنا Smart Data Ukimet, Smart Bridge جəنە يربپ ۆەب-سايت قۇراستىرۋشىسى كىرەدى.
