فوتو: istockphoto.com
سپۋتنيكتىك تەحنولوگيالار قورشاعان ورتانى قورعاۋ سالاسىنداعى زاڭنامانى بۇزۋشىلىقتاردى انىقتاۋ مەن جويۋدىڭ ءتيىمدى قۇرالى. ستيحيالىق قوقىس ۇيىندىلەرىنىڭ انىقتالعانى تۋرالى «قازاقستان عارىش ساپارى» دەرەكتەرى نەگىزىندە اۋماقتىق ەكولوگيا دەپارتامەنتتەرى ءاربىر جاعدايدى تىركەپ, اكىمدىكتەرگە بۇزۋشىلىقتاردى جويۋ تۋرالى نۇسقاما بەرەدى.
«2024 جىلى جالپى سوماسى 9,4 ملن تەڭگەگە 164 لاۋازىمدى تۇلعا, ونىڭ ىشىندە اۋدان جانە قالا اكىمدەرىنىڭ ورىنباسارلارى دەڭگەيىندەگى 61 لاۋازىمدى تۇلعا جاۋاپكەرشىلىككە تارتىلدى», دەدى مينيستر.
سوڭعى جىلدارى انىقتالعان قوقىس ۇيىندىلەرىنىڭ سانى ەداۋىر ازايدى. ماسەلەن, 2018 جىلى 8,7 مىڭ قوقىس ءۇيىندىسى انىقتالىپ, ونىڭ 57 پايىزى جويىلسا, 2024 جىلى شامامەن 4,8 مىڭ قوقىس ءۇيىندىسى انىقتالىپ, ونىڭ 91پايىزى جويىلدى.
