جەدەل باسقارۋ ورتالىعىنا قالاداعى تۇرعىن اۋدانداردىڭ بىرىندە ەر ادامعا شابۋىل جاسالعانى تۋرالى حابارلاما ءتۇستى. وقيعا ورنىنا ءبىرىنشى بولىپ پاترۋلدىك پوليتسيا ەكيپاجدارى جەتتى.
39 جاستاعى جابىرلەنۋشى – ەلوردا تۇرعىنىنىڭ ايتۋىنشا, ءتورت ەر ادامدى قاراعاندىعا جەتكىزگەن. جول بويى جولاۋشىلار وزدەرىن سابىرلى ۇستاعان. الايدا دىتتەگەن جەرىنە جەتكەن ولار اقشا تولەۋدىڭ ورنىنا جۇرگىزۋشىگە شابۋىل جاساپ ۇرىپ-سوعىپ جاقىن ماڭدا جاسىرىنۋعا تىرىسقان.
«سيپاتتامانى باسشىلىققا العان پاترۋلدىك پوليتسيا قىزمەتكەرلەرى كوپ ۇزاماي قاشقىنداردى قىلمىس بولعان جەردىڭ جانىنان تاپتى. ەر ادامدار مونشانى پانالاعان. 34-37 جاس ارالىعىنداعى كۇدىكتىلەرگە قاتىستى سوتقا دەيىنگى تەرگەۋ باستالدى. تەرگەۋ ولاردى وسى قىلمىستى جاساۋعا يتەرمەلەگەن سەبەپتەردى انىقتاۋ كەرەك», دەلىنگەن وبلىستىق پد حابارلاماسىندا.
