فوتو: اقوردا
2024 جىلدىڭ جەلتوقسان ايىندا ەل گازەتى «Egemen Qazaqstan» مەرەيلى داتانى «ەگەمەننىڭ ەلدىك جولى» فورۋمى اياسىندا اتاپ ءوتتى.
ال بۇگىن «كازاحستانسكايا پراۆدا» «ۇلكەن جولدىڭ كەزەڭدەرى» عىلىمي-تاجىريبەلىك كونفەرەنتسياسىندا باسىلىم تاريحىنا توقتالدى.
عاسىردان اسا جاڭالىقتىڭ جارشىسى بولىپ كەلە جاتقان قوس باسىلىمدى مەملەكەتتىك كەڭەسشى ەرلان قارين قۇتتىقتادى.
مەملەكەتتىك كەڭەسشى ۇلت ءباسپاسوزىنىڭ ۇستىنى سانالاتىن باسىلىمداردىڭ قازاق جۋرناليستيكاسىنىڭ تەمىرقازىعىنا اينالعانىن اتاپ ءوتتى.
«بۇگىندە ىرگەلى ۇجىمدار حالىق مۇددەسىنە, ەل يگىلىگىنە قىزمەت ەتۋدىڭ وزىق ۇلگىسىن كورسەتىپ وتىر. مەملەكەتتىك ساياساتتىڭ ءمان-ماڭىزىن تۇسىندىرۋگە بەلسەنە اتسالىسىپ, تىڭ باستامالار مەن جاڭا رەفورمالاردى جۇزەگە اسىرۋعا ۇلەس قوسىپ كەلەدى», دەگەن ەرلان قارين باسىلىم قىزمەتكەرلەرىنىڭ الداعى ۋاقىتتا دا ەلىمىزدىڭ وركەندەۋ جولىندا قاجىرلى ەڭبەك ەتە بەرەتىنىنە سەنىم ءبىلدىردى.
