فوتو: اشىق دەرەككوز
قوزعالتقىشى جۇمىس ىستەپ تۇرعان كولىك ءبىر ورىندا بەس مينۋتتان ارتىق تۇرىپ, باسقالارعا قولايسىزدىق تۋدىرسا, بۇل زاڭ بۇزۋشىلىق بولىپ سانالادى.
زاڭدى ءبىرىنشى رەت بۇزعان جۇرگىزۋشىگە 5 اەك (19 660 تەڭگە) كولەمىندە ايىپپۇل سالىنادى. بۇزۋشىلىق قايتالانسا, ايىپپۇل ەكى ەسە ارتىپ, 10 اەك (39 320 تەڭگە) قۇرايدى.
وسكەمەن قالالىق ءىىد حابارلاعانداي, 2025 جىلدىڭ باسىنان بەرى قالادا ءۇش زاڭ بۇزۋشىلىق تىركەلگەن.
«ىشكى ىستەر ورگاندارى اتالعان قۇقىق بۇزۋشىلىق ءۇشىن ازاماتتارعا جاپپاي ايىپپۇل سالۋدى الدىنا ماقسات ەتىپ قويعان جوق. وسى باپ بويىنشا اكىمشىلىك قۇقىق بۇزۋشىلىق تۋرالى ءىس تەك ازاماتتاردىڭ ارىز-شاعىمدارى كەلىپ تۇسكەن كەزدە جانە قۇقىق بۇزۋشىلىق تۋرالى ايعاق بولعان جاعدايدا عانا قوزعالادى», دەپ اتاپ ءوتتى دەپارتامەنتتىڭ ءباسپاسوز قىزمەتى.
