جەمقورلىققا توسقاۋىل

سالىقتىق قارىم-قاتىناس­تاردىڭ بارلىق سالاسىنداعى سى­بايلاس جەمقورلىق بەلگىلەرىن بولدىرماۋعا قاتىستى شارالاردى جۇرگىزۋدە باستى مىندەتتەردى ەستەن شىعارماعان ابزال. ماسە­لەن, سالىقتىق شاعىمدار. ول سالىق تولەۋشىگە سالىقتىق تەكسە­رىس ناتيجەسىندە سالىقتار مەن بيۋدجەتكە تولەنەتىن مىندەتتى تولەمدەر زاڭسىز ەسەپتەلگەن جاع­دايدا, سالىقتىق تەكسەرىس اكتىسىنە شاعىم بەرۋگە, ءسويتىپ ءوز زاڭدى قۇقىقتارىن قورعاۋعا مۇمكىندىك بەرەدى. سالىق تولەۋ­شىنىڭ سالىقتىق تەكسەرىس ناتيجە­سىنە شاعىم ءتۇسىرۋ قۇقىعى سا­لىق كودەكسىنىڭ 13-بابىمەن بەكىتىل­گەن, ال شاعىم بەرۋ ءتارتىبى اتالعان كودەكستىڭ 21-بولىمىندە كورسەتىلگەن. سالىقتىق تەكسەرىس ناتيجەسىن قاراستىرۋ, ۋاكىلەتتى مەملەكەتتىك ورگانمەن (قارجى مينيسترلىگىنىڭ مەملەكەتتىك كىرىستەر كوميتەتى, مەملەكەتتىك كىرىستەر دەپارتامەنتى) جانە سوتپەن جۇرگىزىلەدى. شاعىم سالىق تولەۋشىگە حابارلاما تاپسىرىلعان سوڭ وتىز جۇمىس كۇنىنىڭ ىشىندە بەرىلۋى كەرەك. بۇعان قوسا, شاعىم كوشىرمەسى شەشىم شىعارىلعانعا دەيىن سالىقتار, تولەمدەر مەن ءوسىمپۇل سوماسى ءوندىرىلىپ الماس ءۇشىن تەكسەرىس جۇرگىزگەن سالىق ورگانىنا تاپسىرىلادى. ويتكەنى, شاعىمنىڭ بەرىلۋى شاعىمدالعان حابارلامانىڭ ورىندالۋىن جازباشا شەشىم شىعارىلعانعا دەيىن توقتاتادى. ءوز كەزەگىندە شاعىم قاراۋ بارىسىندا وراسان زور جۇمىس جۇرگىزىلەتىنىن اتاپ ايتقان ءجون. قازاقستان رەسپۋبليكاسىنىڭ, سونداي-اق شەتەلدىڭ ۋاكىلەتتى مەملەكەتتىك ورگاندارىنا, بانك مەكەمەلەرى مەن جەكە قۇرىلىمدارىنا قاجەتىن­شە سۇراۋلار جىبەرىلەدى. سونى­مەن بىرگە شاعىمدى وبەكتيۆتى قاراۋ ماقساتىندا جوعارى تۇرعان سالىق ورگانى شاعىمدا ايتىلعان ماسەلەلەرگە قاتىستى تاقىرىپتىق تەكسەرىس تاعايىنداي الادى. شاعىم قاراۋ ناتيجەلەرى بويىنشا زاڭنامادا بەلگىلەنگەن مەرزىم مەن ءتارتىپ بويىنشا شەشىم شىعارىلادى. جوعارى تۇرعان ورگان شەشىمىمەن كەلىسپەگەن جاعدايدا, سالىق تولەۋشى بۇل شە­شىمگە قاتىستى قارجى مينيستر­لىگىنىڭ مەملەكەتتىك كىرىس­تەر كوميتەتىنە نەمەسە سوتقا شا­عىم بەرۋگە قۇقىلى. قورى­تىپ ايت­قاندا, سىبايلاس جەمقور­لىق­پەن كۇرەس ناتيجەلى بولۋ ءۇشىن بۇكىل الەۋمەت, ءار ازامات وعان قارسى تۇرۋعا شەشىم قابىل­داۋ كەرەك. ال مەملەكەتتىك باسقا­رۋ قۇزىر­لى ءارى ءتيىمدى بولۋى ما­ڭىزدى. سوندا عانا جەمقورلىققا جول بەرىلمەسى بەلگىلى. الماس قۇدايبەرگەنوۆ, استانا قالاسى سارىارقا اۋدانى بويىنشا مەملەكەتتىك كىرىستەر باسقارماسى سالىقتىق باقىلاۋ ءبولىمىنىڭ باس مامانى.