فوتو: ktez.kz
وتكەن جىلى بەسجىلدىق باعدارلاما اياسىندا جالپى قۇنى 1,9 تريلليون تەڭگەنى قۇرايتىن 86 ينۆەستيتسيالىق جوبانى جۇزەگە اسىرۋ اياسىندا وبلىستا 37 ميلليارد تەڭگەنىڭ 21 جوباسى جۇزەگە اسىرىلىپ, 411 جاڭا جۇمىس ورنى اشىلدى.
2025 جىلى قىزىلوردا وبلىسىندا جالپى قۇنى 275,3 ملرد تەڭگەنى قۇرايتىن 24 جوبانى ىسكە قوسۋ, 1 مىڭعا جۋىق جۇمىس ورنىن قۇرۋ جانە 30,8 ملرد تەڭگە ءونىم شىعارۋ جوسپارلاندى.
«جالپى قۋاتتىلىعى 141 مۆت بولاتىن 4 كۇن جانە 1 جەل ەلەكتر ستانتسياسىنىڭ قۇرىلىسىن جۇزەگە اسىرۋدى جوسپارلاپ وتىرمىز. وبلىستىڭ ەلەكتر ەنەرگياسىنا دەگەن سۇرانىسى تاۋلىگىنە 200 مۆت قۇرايدى. وبلىستا جالپى قۋاتتىلىعى 89 مۆت بولاتىن 9 كۇن ەلەكتر ستانتسياسى جۇمىس ىستەيدى. 5 جوبا ىسكە قوسىلعاندا وبلىسىمىز تولىعىمەن جاسىل ەنەرگەتيكاعا كوشەدى», دەدى وبلىس اكىمىنىڭ ورىنباسارى ارداق زەبەشەۆ.
قازاقستان رەسپۋبليكاسى سىرتقى ىستەر مينيسترلىگىنىڭ ينۆەستيتسيالار كوميتەتى جيىنعا قاتىسۋشىلارعا ۇلتتىق تسيفرلىق ينۆەستيتسيالىق پلاتفورما – ينۆەستورلار, مەملەكەتتىك ورگاندار جانە كۆازيمەملەكەتتىك سەكتور اراسىنداعى ءوزارا ارەكەتتەستىكتىڭ بىرىڭعاي تەرەزەسىنىڭ مۇمكىندىكتەرىن تانىستىردى. بۇگىنگى تاڭدا پلاتفورما پۋلىندا 836 جوبا بار, ونىڭ 246-سىن 2025 جىلى ىسكە اسىرۋ جوسپارلانعان.
جيىندا وڭىردەگى ەكى ءىرى ينۆەستيتسيالىق جوبانى جۇزەگە اسىرۋعا قاتىستى تۇيتكىلدى ماسەلەلەر تالقىلاندى. بۇل – شالقيا پوليمەتالل كەن ورنىنىڭ تيىمدىلىگىن ارتتىرۋ جانە كالتسيلەندىرىلگەن سودا وندىرەتىن زاۋىت سالۋ.
اتاپ ايتقاندا, ازىق-ت ۇلىك جانە تەحنيكالىق تۇز, پوليپروپيلەن قاپتار شىعاراتىن «ارالتۇز» اق قازىرگى تاڭدا قازاقستانداعى العاشقى كالتسيلەندىرىلگەن سودا زاۋىتىن سالۋ جوباسىن جۇزەگە اسىرۋدا. بۇل شيكىزات شىنى بوتەلكەلەردى ءوندىرۋ ءۇشىن قاجەت. قازىرگى ۋاقىتتا ول تولىعىمەن دەرلىك قازاقستانعا يمپورتتالادى. جوبا قوماقتى ينۆەستيتسيانى قاجەت ەتەدى جانە نەسيەلىك قارجىلاندىرۋدىڭ مەرزىمى مەن شارتتارىن ۇزارتۋ تۋرالى ماسەلەلەر بار. مينيستر ءتيىستى قارجى ينستيتۋتتارىنا جوبانى قولداۋدىڭ بارلىق مۇمكىندىكتەرىن تابۋدى تاپسىردى.
