فوتو: ru.euronews.com
ال الەۋمەتتىك جەلىلەردە گازا تۇرعىندارىنىڭ قۋانىشتى ەموتسيالارى تاسپالانعان ۆيدەولار تاراپ ءجۇر.
يزرايل مەن حاماس اتىستى توقتاتىپ, كەپىلگە الىنعانداردى بوساتۋ تۋرالى كەلىسىمگە كەلگەن.
Reuters اگەنتتىگىنىڭ مالىمەتىنشە, ەكى تاراپ اتىستى 6 اپتاعا توقتاتىپ, يزرايل اسكەرلەرىن كەزەڭ-كەزەڭىمەن شىعارۋ شارتىن ماقۇلداعان. مۇحاممەد بەن ابدۋل راحمان ءال ءتانيدىڭ ايتۋىنشا, 42 كۇندىك ءبىرىنشى كەزەڭدە (التى اپتا) يزرايل گازا سەكتورىنىڭ ەلدى مەكەندەرىنەن اسكەرىن اكەتەدى. سونداي-اق گازانىڭ بارلىق ايماعىنا گۋمانيتارلىق كومەك كورسەتۋ كولەمى ۇلعايادى.
Associated Press اگەنتتىگى رەسمي مالىمدەمە تاياۋ ارادا جاسالاتىنىن حابارلاسا, اقش-تىڭ جاڭادان سايلانعان پرەزيدەنتى دونالد ترامپ Truth الەۋمەتتىك جەلىسىندەگى پاراقشاسىندا «كەلىسىمگە قول جەتكىزىلگەنىن» جازعان.
