فوتو: freepik
جاڭا تۋعان نارەستە - وتباسىنداعى ەكىنشى بالا. اناسى ءبىرىنشى ءسابيىن 2022 جىلى ومىرگە الىپ كەلگەن, ونىڭ سالماعى 4,3 كەلىدەن اسقان. كەلىنشەك گەستاتسيالىق قانت ديابەتىنە شالدىققانى بەلگىلى بولدى. قازىرگى تاڭدا اناسى مەن بالاسىنىڭ جاعدايلارى تۇراقتى. ولار دارىگەرلەردىڭ ءجىتى باقىلاۋىنا الىنعان.
«اتا-انالار الىپ بالا تۋىلسا, «باتىر بالا دۇنيەگە كەلدى» دەپ قۋانىپ جاتادى. الايدا, كوپشىلىگىمىز ءسابيدىڭ اۋىر سالماعى انانىڭ دا, بالانىڭ دا دەنساۋلىعىنا ۇلكەن قاۋىپ توندىرەتىنىن ەستەن شىعارامىز. شىندىعىندا, بۇل قۋانىشتىڭ ارتىندا نە تۇر؟! ەڭ الدىمەن, نارەستەنىڭ ۇلكەن سالماعى (ماكروسوميا) اناسى ءۇشىن وتە قاۋىپتى. ويتكەنى, تابيعي بوسانۋ كەزىندە قىناپ, جۇمساق تىندەر جىرتىلىپ كەتۋى مۇمكىن, جاتىر اتونياسىنان بوسانعاننان كەيىنگى قان كەتۋ قاۋپى جوعارى», دەپ جازدى وبلىستىق پەريناتالدىق ورتالىق.
بوسانۋ بارىسىندا قاتەرلى اسقىنۋدىڭ ءبىرى - جاتىردىڭ جىرتىلۋى. مۇنداي جاعدايدا ايەلدى كەسار تىلىگى وتاسى ارقىلى بوساندىرۋعا تۋرا كەلەدى.
سول سەبەپتى دارىگەرلەر ايەلدەرگە جۇكتىلىككە الدىن-الا دايىندالۋ قاجەت ەكەنىن ەسكەرتتى.
