سۋرەت: gov.kz
ءىس-شاراعا سونداي-اق قورداي اۋدانىنىڭ اكىمى بەگزات بولاتبەكوۆ, اۋدان پروكۋرورى بىرلىك ءىزباساروۆ, اۋداندىق ءماسليحات توراعاسى نۇردين سادىقوۆ, «وڭتۇستىك» وڭىرلىك قولباسشىلىعى اسكەرلەرىنىڭ قولباسشىسى ەرجان ىبىراەۆ, ءماسليحات دەپۋتاتتارى, قۇقىق قورعاۋ ورگاندارىنىڭ وكىلدەرى, ارداگەرلەر, ءبىلىم بەرۋ مەكەمەلەرىنىڭ باسشىلارى جانە مۇعالىمدەر, پسيحولوگ ماماندار, 300-دەن اسا بەلسەندى وقۋشى مەن كوللەدج ستۋدەنتتەرى قاتىستى.
جيىندا كىرىسپە ءسوز العان جامبىل وبلىسىنىڭ پروكۋرورى وزىڭنەن باستالاتىن ءتارتىپتىڭ ماڭىزى, قازىرگى تاڭدا جاستار مەن جاسوسپىرىمدەر اراسىنداعى قىلمىستىڭ نەگىزى, اتا-انالاردىڭ ءتارتىبى تۋراسىندا ءسوز قوزعادى. فورۋمعا جينالعانداردى قوعامدا قۇقىقتىق مادەنيەتتى ناسيحاتتاۋعا بەلسەندى اتسالىسۋعا شاقىرىپ, جاستار اراسىندا قۇقىقتىق مادەنيەتتى قالىپتاستىرۋعا ۇندەۋ, قۇقىق بۇزۋشىلىقتار مەن تارتىپسىزدىكتىڭ الدىن الۋ, قوعامدا زاڭ مەن ءتارتىپ ۇستەمدىگىن ناسيحاتتاۋعا شاقىردى.
– مەنىڭ ايتاتىنىم, ءاربىر ادام زاڭعا باعىنۋ كەرەك. سوندىقتان ۋاكىلەتتى ورگانداردىڭ, قۇقىق قورعاۋ ورگاندارىنىڭ تالاپتارى وتە قاتاڭ بولۋعا ءتيىس. سول جاعىنان دا بۇگىندە قۇقىق قورعاۋ ورگاندارىنا وسىنداي تالاپتار قويىپ وتىرمىز. ول تالاپ تەك قىلمىستىق جاۋاپكەرشىلىك ەمەس, اكىمشىلىك جاۋاپكەرشىلىك تۇرعىسىنان دا قاراستىرىلعان, – دەدى ن.ءابدىروۆ.
سونىمەن قاتار نۇرعالىم ءماجيت ۇلى جاستار ورتاسىنداعى كريمينوگەندىك جاعدايعا نازار اۋدارىپ, جاستاردىڭ مەملەكەتتىڭ بولاشاعىنداعى ءرولىنىڭ ماڭىزىن اتاپ ءوتتى. ءسوز سوڭىندا زاڭ مەن ءتارتىپتى باستى قۇندىلىق رەتىندە ۇستانىپ, مەملەكەتىمىزدە ادىلەتتىلىك پەن تۇراقتىلىقتى بيىك قويۋعا ءار ازامات, ءار وتباسى ءوز ۇلەسىن قوسۋعا مىندەتتى ەكەنىن جەتكىزدى.
اتالعان فورۋمدا اۋداندىق ارداگەرلەر كەڭەسىنىڭ توراعاسى ءبىرجان الىمبەت ءسوز سويلەپ, بىرقاتار ۇسىنىسىن جەتكىزدى.
– تارتىپكە شاقىرۋ – تەك قۇقىق قورعاۋ ورگاندارىنىڭ ەمەس, بۇكىل قوعامنىڭ مىندەتى. ءبىز ارقايسىمىز وزىمىزدەن باستاپ, وتباسىمىزدا, اۋىلىمىزدا, اۋدانىمىزدا ءتارتىپ پەن زاڭعا قۇرمەتپەن قاراۋدى نىعايتۋعا ۇلەس قوسايىق. وسىنداي باستامالاردى قولداۋ ارقىلى ءبىز اۋداندى ءتارتىپتى, دامىعان جانە ۇلگىلى مەكەنگە اينالدىرا الامىز. بۇگىنگى فورۋم وسى قۇندىلىقتاردى نىعايتىپ, ءار ازاماتتىڭ جاۋاپكەرشىلىگىن ارتتىرۋعا سەپتىگىن تيگىزەدى دەپ سەنەمىن, – دەدى ءبىرجان ابدىكەرىم ۇلى.
كەلەسى كەزەكتە «وڭتۇستىك» وڭىرلىك قولباسشىلىعى اسكەرلەرىنىڭ قولباسشىسى ەرجان ىبىراەۆ ءسوز الىپ, «وتانعا قىزمەت – ەلگە قىزمەت» ەكەنىن ايتىپ, سول سەبەپتى دە وتان الدىنداعى اسكەري بورىشتى وتەۋ قاسيەتتى مىندەت ەكەنىن دە العا تارتتى.
بۇگىنگى تاڭدا پروكۋراتۋرا وقۋ ورىندارىندا قۇقىق بۇزۋشىلىقتاردى جاسىرۋ فاكتىلەرىنىڭ ارقايسىسى بويىنشا قاتاڭ شارالار قابىلداپ جاتقانىن دا ايتا كەتكەن ءجون. بۇعان بىلتىر لاۋازىمدى تۇلعالارعا قاتىستى 4 قىلمىستىق ءىستىڭ قوزعالۋى – دالەل.
پسيحولوگتەر مەن «Komek Stop Bullying Jambyl» Telegram-بوتىنىڭ كومەگىمەن كامەلەتكە تولماعاندارعا قاتىستى جاسىرىن سيپاتتاعى بىرنەشە قىلمىس پەن قۇقىق بۇزۋشىلىق انىقتالدى.
فورۋمدا جازانىڭ بۇلتارتپاستىعى مەن سينتەتيكالىق ەسىرتكىلەردىڭ زياندى اسەرىن كورسەتەتىن تاقىرىپتىق بەينەروليكتەر ۇسىنىلدى. سونداي-اق اۋداننىڭ اۋىلدىق ەلدى مەكەندەرىندە جانە ايماقتىڭ باسقا دا اۋداندارىندا وسىنداي اۋقىمدى ءىس-شارالاردىڭ باستالعانىن ايتا كەتكەن ءجون.
