فارماتسەۆتيكالىق قىزمەتكە ليتسەنزيا – وسى سالاداعى ماماندارعا مىندەتتى قۇجات. ليتسەنزيا دارىلىك پرەپاراتتار مەن مەديتسينالىق بۇيىمداردى دايىنداۋ, مەديتسينالىق زاتتاردى كوتەرمە جانە بولشەك ساۋدادا ساتۋ, سونداي-اق ولاردىڭ ءوندىرىسى سەكىلدى بىرنەشە قىزمەت تۇرلەرىن قامتيدى. ءوتىنىم بەرۋشى رۇقسات قاعازىن الۋ ءۇشىن «e-License» پورتالىندا ءوتىنىمدى راسىمدەپ, قاجەتتى نىسانداردى تولتىرىپ جانە بىلىكتىلىك تالاپتارىنا ساي ەكەنىن راستاۋى كەرەك.
قىزمەتتى پايدالانۋ ءۇشىن ازاماتتار ەڭ اۋەلى پورتالعا تىركەلىپ, «دەنساۋلىق ساقتاۋ», «قىزمەتتى ليتسەنزيالاۋ», «فارماتسەۆتيكالىق قىزمەت» بولىمدەرىن تاڭداۋ قاجەت. ودان سوڭ «قىزمەتكە ونلاين تاپسىرىس بەرۋ» باتىرماسىن باسىپ, ءوتىنىمدى ەتسق نەمەسە QR-كود ارقىلى قول قويۋ ارقىلى جىبەرۋ كەرەك.
ليتسەنزيانى الۋ قۇنى 10 ايلىق ەسەپتىك كورسەتكىشتى (اەك) قۇرايدى.
ايتا كەتەيىك, 2023 جىلى ەلىمىزدە فارماتسەۆتيكالىق قىزمەتتى جۇزەگە اسىرۋعا 906 رۇقسات قۇجاتى بەرىلسە, 2024 جىلدىڭ باسىنان بەرى 691 قۇجات راسىمدەلدى.
اتالعان قىزمەت تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ مەملەكەتتىك كورسەتىلەتىن قىزمەتتەر كوميتەتى, «ۇلتتىق اقپاراتتىق تەحنولوگيالار» اكتسيونەرلىك قوعامى, دەنساۋلىق ساقتاۋ مينيسترلىگىنىڭ بىرلەسكەن جۇمىسىنىڭ ناتيجەسىندە ىسكە قوسىلدى.
