فوتو: zakon.kz
اۋە كومپانياسىنىڭ حابارلاۋىنشا, وقيعا 14 قاڭتاردا بولعان. جولاۋشى تىركەۋ ورنىنا ۇشىپ شىعۋعا 30 مينۋت قالعاندا كەلىپ, رەيسكە تىركەلگەنىن راستاعاننان كەيىن تەكسەرۋ ايماعىنا وتكەن. الايدا وتىرعىزۋ 30 مينۋت بۇرىن جۇرگىزىلەتىندىكتەن, ول رەيسكە ۇلگەرمەي قالعان.
كەيىن ايەل تىركەۋ ايماعىنا ورالىپ, ونى تەكسەرۋ ايماعىنا باعىتتاعان وفيتسەرگە اگرەسسيۆتى ارەكەت كورسەتە باستاعان. وقيعا بارىسىندا ول قىزمەتكەردىڭ تەلەفونىن لاقتىرىپ جىبەرىپ, بەتى مەن ىشىنە سوققى جاساپ, سوزبەن قورقىتۋىن جالعاستىرعان. بۇل ارەكەتتى بەينەباقىلاۋ كامەرالارى مەن كۋاگەرلەر ءتۇسىرىپ العان.
«FlyArystan اۋە تاسىمالداۋشىسى ءوز قىزمەتكەرلەرىنە جانە باسقا جولاۋشىلارعا قاتىستى زورلىق-زومبىلىقتىڭ كەز كەلگەن تۇرىنە, سونىڭ ىشىندە فيزيكالىق شابۋىلدارعا, قورقىتۋلار مەن بالاعات سوزدەرگە نولدىك توزىمدىلىك ساياساتىن قاتاڭ ۇستاناتىنىن ەسكە سالادى. دەسترۋكتيۆتى مىنەز-ق ۇلىق كورسەتكەن جولاۋشى قولدانىستاعى زاڭناماعا سايكەس جاۋاپقا تارتىلادى. اۋە كومپانياسى ءوز قاۋىپسىزدىك ساياساتى اياسىندا ءتيىستى شارالاردى قولدانۋ قۇقىعىن, سونىڭ ىشىندە جولاۋشىنى قارا تىزىمگە ەنگىزۋ مۇمكىندىگىن ساقتاپ قالادى. ءبىز ءار جولاۋشىنىڭ ءوزىنىڭ مىنەز-قۇلقى مەن باسقالارعا قۇرمەت كورسەتۋ نورمالارىن ساقتاۋعا تولىق جاۋاپتى ەكەنىن ەرەكشە اتاپ وتەمىز. رەيسكە ۋاقىتىندا كەلۋ – بۇل جولاۋشىنىڭ جەكە جاۋاپكەرشىلىگى ەكەنىن ەستە ۇستاۋ ماڭىزدى», دەلىنگەن حابارلامادا.
