ونەر سايىسى اراب مەملەكەتتەرى اۋماعىن جاعالاي ءجۇزىپ جۇرەتىن الىپ كەمەدە ۇيىمداستىرىلدى. بايقاۋدان قالىڭ كورەرمەن دە, وعان قاتىسقان جاس ونەرپازدار دا ايرىقشا اسەر الدى. ال بالا كەزىنەن تىڭدارمانىن وزىندىك ونەرىمەن تامساندىرىپ جۇرگەن ەرجان ماكسيمگە قازىلار القاسى جوعارى باعاسىن بەردى.
«قازاقستاننان 36 ادام كەلگەن ەدىك. حالىق ءانى «ايقاراكوزدى» ايتقانىما قۋانىشتىمىن. ەڭ سۇيىكتى اندەرىمنىڭ ءبىرى بولدى. وسى كونكۋرسقا قاتىسۋ ءۇشىن ۇلكەن قولداۋ كورسەتكەن كومپانياعا راقمەت ايتامىن», دەيدى بايقاۋدىڭ باس جۇلدەگەرى ەرجان ماكسيم.
ورالدىق ورەن بۇعان دەيىن رەسەيدە وتكەن «گولوس. دەتي» حالىقارالىق ءان سايىسىندا جەڭىس تۇعىرىنان كورىنگەن ەدى. بالا كەزىندە-اق تالايدى تاڭعالدىرىپ, بىرنەشە بايگەدە وزا شاپقان. دەسە دە, سانرەمو بايقاۋىنداعى باس جۇلدە ونىڭ جەتىستىگىن ەسەلەپ قانا قويماي, الەمگە تانىلۋىنا سەپ بولدى.
ەرجان قازىر استاناداعى ۇلتتىق ونەر ۋنيۆەرسيتەتىندە ءبىلىم الىپ ءجۇر. ستۋدەنت بولسا دا بىرقاتار پروديۋسەرلىك ورتالىقتان ارىپتەستىك جونىندە شاقىرتۋ العان. ەندى ول ۇسىنىستاردى قاراستىرىپ, شىعارماشىلىعىن ودان ءارى شىڭداۋعا دەن قويادى.
