فوتو: اقوردا
«الەمدىك نارىقتى ازىق-ت ۇلىك ونىمدەرىمەن جانە تىڭايتقىشتارمەن تۇراقتى قامتاماسىز ەتۋ ءۇشىن يننوۆاتسيالىق تاسىلدەر قاجەت. قازاقستان حالىقارالىق نارىققا مول كولەمدە بيداي مەن ۇن ەكسپورتتايتىن ەل رەتىندە ورنىقتى اۋىل شارۋاشىلىعىنىڭ ادىستەرى مەن تەحنولوگيالارىن ودان ءارى جەتىلدىرۋدى كوزدەيدى», دەدى پرەزيدەنت.
قاسىم-جومارت توقاەۆتىڭ پىكىرىنشە, اتالعان سىن-قاتەرلەرگە توتەپ بەرۋ ءۇشىن الەمگە جاڭا دامۋ پاراديگماسى كەرەك. ول ورنىقتىلىق, ادىلدىك پەن تۇراقتىلىق ۇعىمدارىنا نەگىزدەلۋگە ءتيىس. جاھاندىق پروبلەمالاردى ءۇش ماڭىزدى قاعيداتقا ارقا سۇيەگەن ءبىرتۇتاس جۇيە ارقىلى شەشۋگە بولادى.
ء«بىرىنشى, «جاسىل» قارجىلاندىرۋدىڭ قولجەتىمدىلىگى. ونىڭ كولەمى ەلەۋلى تۇردە ۇلعايۋعا ءتيىس. ەكىنشى, تەحنولوگيا ترانسفەرتى, تەحنيكالىق قولداۋ جانە عىلىمي زەرتتەۋلەر سالاسىنداعى حالىقارالىق ىنتىماقتاستىقتىڭ اياسىن كەڭەيتۋ. كۇن ەنەرگياسى, «اقىلدى» اۋىل شارۋاشىلىعى, كومىرتەگى سۇزگىسى جانە جاساندى ينتەللەكت نەگىزىندەگى كليماتتىق تەحنولوگيالار ءارتۇرلى يننوۆاتسيالىق شەشىمدەر ۇسىنادى. ءۇشىنشى, كليماتتىڭ وزگەرۋىنە قارسى كۇرەستەگى باسىمدىقتاردىڭ, ەكونوميكالىق دامۋ مەن جاساندى ينتەللەكتتىڭ سينەرگيالىق ىقپالداستىعى. 2030 جىلعا قاراي جاھاندىق ىشكى جالپى ءونىمنىڭ 16 پايىزدان استامىن وسى ءۇش باعىتتىڭ ءوزارا ۇيلەسىمى قامتاماسىز ەتۋى مۇمكىن. بۇدان شىعاتىن قورىتىندى: مەملەكەتتەر ورنىقتى دامۋ سالاسىنداعى ءتۇرلى ماقساتتارعا بارىنشا يكەمدى ءارى دەربەس ءتاسىل قولدانعانى دۇرىس», دەدى مەملەكەت باسشىسى.
پرەزيدەنت ءسوز سوڭىندا اتالعان سامميت ورنىقتى دامۋ سالاسىنداعى الداعى ونجىلدىقتارعا ارنالعان باسىمدىقتاردى ايقىنداپ, ارەكەتتەردى ۇيلەستىرەتىن ماڭىزدى الاڭعا اينالۋىنا تىلەكتeستىك ءبىلدىردى.
سامميتتە وزبەكستان پرەزيدەنتى شاۆكات ميرزيوەۆ, رۋاندا پرەزيدەنتى پول كاگامە, فينليانديا پرەمەر-ءمينيسترى پەتتەري ورپو, مالايزيا پرەمەر-ءمينيسترى انۋار يبراگيم, حالىقارالىق تابيعاتتى قورعاۋ وداعىنىڭ پرەزيدەنتى رازان ءال مۇباراك جانە باسقالار ءسوز سويلەدى.
