جوعارعى سوتتىڭ ءباسپاسوز قىزمەتى مالىمەتىنشە, قىزىلوردا وبلىسىنىڭ ەكى تۇرعىنى زاڭسىز كيىك اۋلاۋ ءۇشىن كولىكپەن شىعىپ, جانۋارلاردىڭ ءۇيىرىن قۋىپ, ولارعا وق اتقان. قىلمىس قاشان بولعانى سوتتا ناقتىلانبادى.
كولىكتى تابيعاتتى قورعاۋ ينسپەكتورلارى, ورمان شارۋاشىلىعى جانە جانۋارلار دۇنيەسى ينسپەكتسياسىنىڭ قىزمەتكەرلەرى توقتاتقان. وقيعا ورنىنان 30-دان استام كيىك تۋشاسى جانە 5 باسى تابىلدى. ساراپتاما قورىتىندىسىنا سايكەس, مەملەكەتكە 80 ميلليون تەڭگەدەن استام شىعىن كەلتىرىلگەن.
قىزىلوردا وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى (قىجماس) جانۋارلاردى زاڭسىز اۋلاۋ ءىسى بويىنشا ايىپتالعان ەكى ازاماتتىڭ ءىسىن قارادى. ولارعا قارۋ مەن كولىك پايدالانىپ, ايتارلىقتاي زيان كەلتىرگەنى ءۇشىن (قىلمىستىق كودەكستىڭ 337-بابىنىڭ 6-ءبولىمى 2-تارماعى) ايىپ تاعىلدى. سوتتىڭ مالىمەتىنشە, قىلمىستىق ارەكەتتەر ۇسىنىلعان قۇجاتتارمەن دالەلدەندى.
سوت ايىپتالۋشىلاردى كىنالى دەپ تانىپ, 6 جانە 7 جىلعا باس بوستاندىعىنان ايىردى. ولار تيىسىنشە 7 جانە 8 جىل بويى اڭ اۋلاۋمەن اينالىسا المايدى.
سوتتالعانداردان 77 ميلليون تەڭگەدەن استام ماتەريالدىق شىعىندى وتەۋ تۋرالى شەشىم شىعارىلدى. ولار مەملەكەتكە 3 ميلليون تەڭگە قايتاردى. قىزىلوردا وبلىستىق سوتى ۇكىمدى وزگەرىسسىز قالدىردى.
