فوتو: olympic.kz
قازاقستان ايەلدەر قۇراماسىنىڭ باس باپكەرى ەلدوس سايدالين وسى فورماتتاعى جاتتىعۋ جيىندارىنىڭ پايداسى مول ەكەنىن جەتكىزدى.
«العاش رەت ايەلدەر, جاستار جانە جاسوسپىرىمدەر كوماندالارىنىڭ باسىن قوسىپ اۋقىمدى وقۋ-جاتتىعۋ جيىنىن وتكىزىپ جاتىرمىز. بارلىق جاس دارەجەلەرىنىڭ باپكەرلەرىمەن اقىلداسىپ, وسىلاي ۇيىمداستىرۋدى ءجون سانادىق.
بۇل باستامانىڭ پايداسى مول. جاسى كىشىلەر اپكەلەرىنە قاراپ, بوي تۇزەيدى, ءتالىم الادى. ايەلدەر ساناتىنداعى سپورتشىلاردى دا جالىندى جاستاردىڭ كوز الدىندا ءجۇرۋى جىگەرلەندىرە تۇسەدى. جاس بۋىن ۇلتتىق قۇراما ساپىنا قوسىلعاندا جاتىرقاماي, تەز بوي ۇيرەتۋىنە دە سەپتىگىن تيگىزەرى انىق», دەدى ەلدوس سايدالين.
قازاقستان ايەلدەر قۇراماسى 2028 جىلعى وليمپيادا ويىندارىنا دايىندىقتى باستاپ كەتكەن. باس باپكەر تورتجىلدىقتىڭ باستى باسەكەسىنە قاتىسۋ ءۇشىن بارلىق جاس دارەجەسىندە بۇل دوداعا ۇمىتكەرلەر بار ەكەنىن اتاپ ءوتتى.
