شقو سوتىنىڭ ءباسپاسوز قىزمەتى ۇسىنعان مالىمەتكە سۇيەنسەك, وسكەمەن قالاسىنىڭ №2 سوتىندا ءىرى مولشەردە پارا الدى دەگەن ايىپ تاعىلعان وبلىستىق ەكولوگيا دەپارتامەنتى باسشىسىنىڭ ەكس-ورىنباسارىنا قاتىستى قىلمىستىق ءىس قارالدى.
«بەلگىلى بولعانداي, دەپارتامەنت جەرگىلىكتى التىن ءوندىرۋ فابريكاسىنا قر ەكولوگيالىق زاڭناماسى نورمالارىنىڭ ساقتالۋىنا تەكسەرىس جاساعان. سول كەزدە قۇرىلىستى اياقتاۋ مەرزىمدەرىنە قاتىستى جوبادان اۋىتقۋ بويىنشا بىرقاتار بۇزۋشىلىق انىقتالدى. زاڭ بويىنشا وسى ءۇشىن كاسىپورىننىڭ قىزمەتى توقتاتىلۋى كەرەك ەدى. الايدا, سوتتالۋشى جشس-ءنى جاۋاپكەرشىلىككە تارتپاۋ ءۇشىن 2023 جىلدىڭ مامىر ايىندا كومپانيا ديرەكتورىنان 30 000 اقش دوللارى سوماسىندا پارا العان. بۇل 13 326 600 تەنگە», دەلىنگەن اقپاراتتا.
سوت شەشىمىمەن ايىپتالۋشى 7 جىلعا باس بوستاندىعىنان ايىرىلدى. سونداي-اق وعان ءومىر بويىنا مەملەكەتتىك قىزمەتتە جۇمىس ىستەۋگە تىيىم سالىندى.
