اتالعان كورمە وسكەلەڭ ۇرپاققا قازاقتان شىققان بەلگىلى تۇلعالاردى, ولاردىڭ تاعىلىمدى جولىن, تۋىندىلارىن تانىتۋدى, كىتاپ وقۋ مادەنيەتىن قالىپتاستىرۋدى, كىتاپحانانىڭ ءيميدجىن كوتەرۋدى ماقسات ەتەدى.
بيىل ەلىمىزدە بىرقاتار ايتۋلى ءىس-شارا جوسپارلانىپ وتىر. وسىنى نەگىزگە العان كورمە بەس بولىمنەن تۇرادى. «قازاق حاندىعىنا 560 جىل» دەپ اتالاتىن ءبىرىنشى بولىمدە تاقىرىپتاس 100-دەن استام كىتاپ پەن مەرزىمدى باسىلىم ماتەريالدارى ۇسىنىلعان.
ال جەڭىستىڭ 80 جىلدىعىنا ارنالعان ەكىنشى بولىمدە اسكەري تاقىرىپقا قاتىستى كىتاپتاردان بولەك, سۇراپىل سوعىستان سىر شەرتەتىن قۇجاتتار بەرىلىپ وتىر.
«قازاقستان رەسپۋبليكاسىنىڭ كونستيتۋتسياسىنا 30 جىل» اتتى ءۇشىنشى جانە «قازاقستان حالقى اسسامبلەياسىنا 30 جىل» اتتى ءتورتىنشى بولىمدەردە سوڭعى جىلدارى جاريالانعان باسپا ونىمدەرى, تىڭ دەرەكتى ماتەريالدار قامتىلعان. ال «تۇعىرى بيىك تۇلعالار» ءبولىمى جاقسى-جايساڭدارىمىزدىڭ ء(«ابۋ ناسىر ءال-فارابي – 1155 جىل», «شوقان ءۋاليحانوۆ – 190 جىل», «اباي قۇنانباي ۇلى –180 جىل», «مىرجاقىپ دۋلات ۇلى – 140 جىل», «ساپارعالي بەگالين – 130 جىل», ء«سابيت مۇقانوۆ – 125 جىل», «قانابەك بايسەيىتوۆ – 120 جىل», ء«ىلياس ەسەنبەرلين – 110 جىل», «ەرمۇقان بەكماحانوۆ – 110 جىل», «جۇمابەك تاشەنوۆ – 110 جىل», «جۇبان مولداعاليەۆ – 105 جىل», «تۇمانباي مولداعاليەۆ – 90 جىل», «قادىر مىرزاليەۆ – 90 جىل», «جۇمەكەن ناجىمەدەنوۆ – 90 جىل», «كارل بايپاقوۆ – 85 جىل») مەرەيتويىنا ارنالعان.
كورمەگە مەرەيتوي يەلەرىنىڭ ءومىرى مەن شىعارماشىلىعى جايىندا جازىلعان 500-دەن اسا كىتاپ, ەستەلىك, فوتوسۋرەت, ناقىلسوز بەن دايەكسوز قويىلدى.
ايتا كەتەيىك, كورمە كىتاپحانا وقىرمانىنا تۇراقتى تۇردە جىل بويى ۇسىنىلادى.
