وسى ورايدا, ايتپاعىمىز, 1921 جىلدىڭ 31 قاڭتارىندا ورىنبور قالاسىندا حالىق اعارتۋ كوميسسارى ا.بايتۇرسىن ۇلىنىڭ توراعالىعىمەن زيالى قازاق ازاماتتارىنىڭ ءماجىلىسى وتەدى. جيىندا قارالعان باستى ماسەلە 1-ءشى ءھام 2-بۋىن مەكتەپتەر ءۇشىن وقۋلىق دايارلاۋ ءىسى بولدى. ناتيجەسىندە, الاش قايراتكەرلەرىنىڭ اتسالىسۋىمەن وقۋلىقتار جازىلدى. سونىڭ ءبىرى – مىرجاقىپ دۋلات ۇلى جازعان «ەسەپ قۇرالى» وقۋلىعى.
مىنا فوتودا وزدەرىڭىز كورىپ وتىرعان وقۋلىق – كىتاپ 1925 جىلى ورىنبور قالاسىندا م.دۋلاتوۆتىڭ اۆتورلىعىمەن جارىق كورگەن «ەسەپ قۇرالى» كىتابى. بۇل جادىگەردىڭ ءبىر داناسى 10 جىل بۇرىن پاۆلودار-داعى ءماشھۇر ءجۇسىپ اتىنداعى ورتالىق مەشىت قورىنان تابىلدى.
اتالعان تۋىندىمەن تانىسىپ, قۇرالعا تولىق ساراپتاما جاساعان جۋرناليست ورالحان ايبەكتىڭ پايىمداۋىنشا, كىتاپتىڭ مۇقابا بەتىندە «مىرجاقىپ دۋلات ۇلى. باستاۋىش مەكتەپتە 2-ءىنشى جىل وقىلاتىن ەسەپ قۇرالى 4-ءىنشى باسىلۋى (تۇزەتىلدى, تولىقتىرىلدى)» دەپ جاديتشە جازىلعاندا, «م.دۋلاتوۆ. زاداچنيك. چاست ءىى. كيرگيزسكوە گوسۋدارستۆەننوە يزداتەلستۆو. ورەنبۋرگ, 1925 گود» دەپ ورىسشا تاڭبا تۇسىرىلگەن.
مۇقاباسى قاتىرما قاعاز ەمەس, جاي عانا پاراق. ونىڭ سول جاق شەكەسىنە سول كەزدىڭ ءداستۇرى بويىنشا «جەر ءجۇزىنىڭ جالشىلارى بىرىگىڭدەر!» دەگەن ۇران جازىلىپتى. مۇقابانىڭ ىشكى جاعىندا مىناداي مالىمەتتەر بەرىلگەن: «قازاقستان مەملەكەت باسپاحاناسى. ورىنبور, 1925 جىل» «كيرگلاۆليت №137. تيراج 10.000. تيپوگرافيا كيرگوسيزداتا. ورەنبۋرگ, كاراۆان-ساراي 1925 گ.»
«وقۋلىق – 98 بەتتەن, 3 تاراۋدان تۇرادى. پاراقتارىنىڭ رەتتىك سانى 4-ءىنشى بەتتەن باستالادى. سوڭعى بەتىندە مازمۇنى بەرىلگەن. ءى ءبولىم: «100-گە شەيىن سان» – 4 تارماقتان تۇرادى. ءىى ءبولىم: «1000-عا شەيىن ساناۋ امالدارى» – 4 تارماقتان تۇرادى. ءىىى ءبولىم: ء«تورت امالدىق ەسەپتەر» دەپ اتالىپ, «اينالاداعى تابيعات», «ەڭبەكتى تۇرمىس» جانە تاعى ءبىر تارماعى بار» دەيدى ايبەك تىلەۋبەك ۇلى.
