فوتو: ۆەدومستۆو
اتالعان سىناققا تاراز قالاسىنداعى «قازاق سۋ شارۋاشىلىعى عىلىمي-زەرتتەۋ ينستيتۋتى», قىزىلورداداعى «ى.جاقاەۆ اتىنداعى قازاق كۇرىش شارۋاشىلىعى عىلىمي-زەرتتەۋ ينستيتۋتى», «ماقتا جانە باقشا اۋىل شارۋاشىلىعى تاجىريبە ستانتسياسى», «اگرارلىق يننوۆاتسيالار ينستيتۋتى» قاتىسقان.
سۋ رەسۋرستارى جانە يرريگاتسيا مينيسترلىگىنىڭ مالىمەتىنشە, عالىمدار پرەپاراتتى قولدانا وتىرىپ كۇرىش الاڭىندا 37%-عا دەيىن سۋ ۇنەمدەۋگە بولاتىنىن مالىمدەگەن. سەبەبى, ءداستۇرلى ءادىس بويىنشا كۇرىش 90 كۇن بويى سۋارىلادى. ال ىلعال ساقتايتىن پرەپاراتتى پايدالانعان كەزدە 51 كۇن سۋارۋ جەتكىلىكتى. قانت قىزىلشاسى الاڭىندا 23,9%, جۇگەرىدە 28,7%-عا دەيىن سۋ ۇنەمدەلگەن. بۇدان بولەك, ساراپشىلار ونىمدىلىك تە ارتقانىن ايتادى.
«سىناقتىڭ العاشقى كەزەڭى جاقسى ناتيجە كورسەتتى. كەلەسى كەزەكتە ۇلكەن كولەمدەگى ەگىس القاپتارىندا پرەپاراتتىڭ تيىمدىلىگىن تەكسەرۋ كەرەك. ول ءۇشىن شارۋالارمەن كەزدەسىپ, سىناق ناتيجەسىن كورسەتۋ كەرەك. ءتۇسىندىرۋ جۇمىستارىن جۇرگىزۋ قاجەت. سەبەبى, جىل وتكەن سايىن سۋارمالى سۋعا سۇرانىس ارتىپ كەلەدى جانە ءبىزدىڭ ديقاندار زاماناۋي سۋ ۇنەمدەۋ ادىستەرىنە كوشۋگە مۇددەلى», دەدى مينيستر نۇرجان نۇرجىگىتوۆ.
ءوز كەزەگىندە ماجارلىق «Soil solution» كومپانياسىنىڭ وكىلدەرى شارۋالار تاراپىنان ۇلكەن سۇرانىس بولسا قازاقستاندا پرەپارات شىعاراتىن زاۋىت اشۋعا نيەتتى ەكەندىكتەرىن مالىمدەدى.
ء«بىز قازاقستاندا ءوز ءونىمىمىزدى شىعاراتىن زاۋىت اشۋ مۇمكىندىگىن دە قاراستىرىپ جاتىرمىز. وسى ارقىلى جول شىعىنىن ازايتۋعا بولادى. دەمەك, شارۋالار ءۇشىن پرەپاراتتىڭ باعاسى بىرنەشە ەسە ارزاندايدى. سونداي-اق قازاقستاندا جاسالعان ءونىم رەتىندە شەتەلگە دە ەكسپورتتاۋعا بولادى», دەدى «Soil solution» كومپانياسىنىڭ وكىلى دانيەل رەپاسسي.
