سۋرەت: gov.kz
ستەنفورد جوعارى ءبىلىم بەرۋ مەكتەبىنىڭ باس تەحنولوگيالىق ديرەكتورى پول كيمنىڭ قاتىسۋىمەن ازىرلەنگەن بۇل باعدارلاما «DeepTech» ستارتاپتارىن قالىپتاستىرۋ جانە يننوۆاتسيالىق شەشىمدەردى دامىتۋ ءۇشىن مۇمكىندىكتەر جاساي وتىرىپ, ءبىزدىڭ جاس تالانتتارىمىز ءۇشىن ناعىز ترامپلين بولادى.
«AI-Sana» باعدارلاماسى – ستۋدەنتتەر مەن وقىتۋشىلاردىڭ جاڭا ويلاۋىن قالىپتاستىرۋ قۇرالى عانا ەمەس, سونىمەن قاتار قازاقستان جوعارى وقۋ ورىندارىنىڭ ءداستۇرلى ءبىلىم بەرۋ تاسىلىنەن عىلىمي زەرتتەۋ تاسىلىنە كوشۋدەگى ماڭىزدى قادام. ءبىز جاڭا تەحنولوگيالاردىڭ قارقىندى دامۋى جاعدايىندا ەل ءۇشىن ماڭىزدى مىندەت بولىپ تابىلاتىن تەحنولوگيالىق باعدارلانعان قوعامدى قالىپتاستىرۋ ءۇشىن يدەولوگيالىق نەگىز قۇرۋعا باعىتتالعانبىز.
بۇل باستامانىڭ ماڭىزدى ەلەمەنتى – ەڭ كۇردەلى عىلىمي ماسەلەلەردى شەشۋدە ماڭىزدى ءرول اتقاراتىن سۋپەركومپيۋتەرلەر. ەلىمىزدە ق.ي.ساتباەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتى مەن ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە جالپى ونىمدىلىگى 2 «PFLOPS» بولاتىن اكادەميالىق كلاستەر ىسكە قوسىلادى. بۇل سۋپەركومپيۋتەرلەر عىلىمي زەرتتەۋلەرگە جاڭا مۇمكىندىكتەر اشادى, عىلىمي جۇمىستاردى جاريالاۋ ۇدەرىسىن جەدەلدەتەدى جانە وزىق تەحنولوگيالاردى دامىتۋعا مۇمكىندىك بەرەدى.
«AI-Sana» ۇزدىك الەمدىك عىلىمي جانە ءبىلىم بەرۋ رەسۋرستارىن بىرىكتىرەتىنىن اتاپ ءوتۋ ماڭىزدى, بۇل قازاقستان جاستارىنا سەرپىندى تەحنولوگيالار سالاسىندا ءوز يدەيالارىن ىسكە اسىرۋعا مۇمكىندىك تۋعىزادى. باعدارلاما ەلدەگى عىلىمي-تەحنيكالىق پروگرەستى جەدەلدەتۋگە كومەكتەسىپ قانا قويماي, ستۋدەنتتىك كەزدەن باستاپ ستارتاپ-ۇلتتى قالىپتاستىرۋ جولىنداعى ماڭىزدى كەزەڭ بولادى.
وسىلايشا, «AI-Sana» – تەحنولوگيالىق كوشباسشىلىقتىڭ ۇلتتىق يدەولوگياسىن نىعايتاتىن جانە تەحنولوگيالىق ءارى كاسىپكەرلىك باستامالار ارقىلى قازاقستاننىڭ ۇزاق مەرزىمدى ەكونوميكالىق ءوسۋىن قامتاماسىز ەتەتىن ستراتەگيالىق جوبا.
ساياسات نۇربەك,
عىلىم جانە جوعارى ءبىلىم ءمينيسترى
