ءماجىلىس ءباسپاسوز قىزمەتىنىڭ حابارلاۋىنشا, 64 مىڭنان استام جەكە جانە 2 مىڭعا جۋىق زاڭدى تۇلعالاردى جىلۋمەن, ەلەكتر ەنەرگياسىمەن قامتاماسىز ەتىپ كەلە جاتقان كاسىپورىننىڭ الدىندا شەشۋدى قاجەت ەتەتىن كۇردەلى ماسەلەلەر بار.
ولاردىڭ نەگىزگىسى – توزىعى جەتكەن جەلىلەر, ىشكى جۇيەلەردى جوندەۋگە قارجىنىڭ جەتكىلىكسىزدىگى جانە كادر تاپشىلىعى. جىل سايىن كاسىپورىن ەسەبىنەن ەكى-ءۇش قوندىرعى كۇردەلى جوندەۋدەن وتكىزىلەدى. بىراق سوعان قاراماستان ينفراقۇرىلىم اۋقىمدى جاڭعىرتۋدى قاجەت ەتەدى. وعان قوسا, جىلۋ ەلەكتر ستانتسياسىنىڭ جاۋاپكەرشىلىك ايماعىنان تىس ورنالاسقان ۇيىشىلىك جەلىلەردىڭ پروبلەمالارى كورسەتىلەتىن قىزمەتتەردىڭ ساپاسىن تومەندەتەدى.
كاسىپورىن قىزمەتكەرلەرىمەن كەزدەسۋ بارىسىندا سونداي-اق ستراتەگيالىق نىساندارعا مەملەكەتتىك ساتىپ الۋدىڭ ەرەكشەلىكتەرىنە قاتىستى دا ماڭىزدى ماسەلەلەر كوتەرىلدى. اتاپ ايتقاندا, قاجەتتى قوسالقى بولشەكتەر رەسەيدەن جەتكىزىلەدى. بىراق قازىرگى ساتىپ الۋ جۇيەسى وعان ءجون-جوسىقسىز جەتكىزۋشىلەردىڭ دە قاتىسۋىنا مۇمكىندىك بەرەدى. بۇل جەتكىزۋ ۋاقىتىن ۇزارتادى, قولايسىزدىقتار تۋدىرادى جانە جىلىتۋ جۇمىستارىنىڭ بۇزىلۋ قاۋپىن ارتتىرادى.
سونىمەن قاتار قىزمەتكەرلەردى باسقا ۇيىمدار ارقىلى مەديتسينالىق تەكسەرۋدەن وتكىزۋ ماسەلەسى دە ءسوز بولدى. ول مەملەكەتكە 60 ملن تەڭگە شىعىن اكەلەدى. دەنساۋلىق ساقتاۋ مينيسترلىگىنىڭ قولدانىستاعى ەرەجەلەرىنە سايكەس, كاسىپورىندارعا مەديتسينالىق تەكسەرۋدى وزدىگىنەن جۇرگىزۋگە رۇقسات ەتىلمەيدى, بۇل پروتسەستى ەداۋىر قيىنداتادى.
تاعى ءبىر ماڭىزدى ماسەلە – نىسانداردى كۇزەتۋ. كۇزەت تاريفتەرى بىرجاقتى تارتىپپەن كوتەرىلدى, بۇل كاسىپورىنعا قوسىمشا قارجىلىق قىسىم كەلتىرەدى.
«ورال جەو مىڭداعان ادامنىڭ ءال-اۋقاتىنا ىقپال ەتەتىن ستراتەگيالىق نىسان. بۇگىنگى تاڭدا كاسىپورىننىڭ قازىرگى رەسۋرستارى قوردالانعان ماسەلەلەردى تولىقتاي شەشۋگە جەتكىلىكسىز. سوندىقتان بارلىق دەڭگەيدە كەشەندى جاڭعىرتۋ مەن قولداۋ جولدارىن ىزدەستىرۋ قاجەت», دەدى رۋسلان بەردەنوۆ.
دەپۋتات جىلۋ ەلەكتر ورتالىعىنان بولەك, رەسەيمەن شەكاراداعى «سىرىم» باقىلاۋ-وتكىزۋ بەكەتىندە بولىپ, شەكارالىق ينفراقۇرىلىمدى جاقسارتۋ ماسەلەلەرىن تالقىلادى.
سونداي-اق ول وبلىس باسشىلىعىمەن, كاسىپكەرلەرمەن جانە بەلسەندى جاستارمەن كەزدەسۋلەر وتكىزىپ, ءوڭىر تۇرعىندارىنىڭ وزەكتى پروبلەمالارىمەن تانىستى.
«وڭىردەگى ماسەلەلەردى شەشۋ جەرگىلىكتى بيلىك, بيزنەس جانە رەسپۋبليكالىق قۇرىلىمداردىڭ قاتىسۋىمەن جۇيەلى ارەكەت ەتۋ ءتاسىلىن تالاپ ەتەدى. باتىس قازاقستان وبلىسىنىڭ الەۋەتى زور جانە ءبىزدىڭ ماقساتىمىز - ونى تولىق كولەمدە پايدالانۋعا كومەكتەسۋ», دەدى دەپۋتات.
