فوتو: اقوردا
پرەزيدەنتكە اگەنتتىك توراعاسى ۆەدومستۆونىڭ باقىلاۋ فۋنكتسيالارىن ورىنداۋى جونىندە, ونىڭ ىشىندە بىلتىر قابىلدانعان مونوپولياعا قارسى شارالاردىڭ ناتيجەلەرى تۋرالى ەسەپ بەردى.
قاسىم-جومارت توقاەۆقا نەگىزگى تاۋار نارىقتارىندا شوعىرلانۋ دەڭگەيىن تومەندەتۋ جانە «ەكونوميكانى ىرىقتاندىرۋ جونىندەگى شارالار تۋرالى» جارلىققا سايكەس جەكەشەلەندىرۋ باعىتىندا اتقارىلعان جۇمىستار جايىندا باياندالدى. اگەنتتىك مونوپولياعا قارسى 97 ءىستى تەرگەپ-تەكسەرۋدى اياقتادى.
مارات وماروۆ باسەكەلەستىكتى دامىتۋ جونىندەگى 2025 جىلعا ارنالعان جوسپاردى تانىستىردى. مونوپوليالىق نارىقتارداعى باعاعا باقىلاۋدى كۇشەيتۋ, تەرگەپ-تەكسەرۋلەر مەن نارىقتى تالداۋدىڭ تيىمدىلىگىن ارتتىرۋ ءۇشىن زاڭناماعا ءتيىستى وزگەرىستەر ازىرلەندى.
اگەنتتىكتىڭ تسيفرلىق ەكوجۇيەسىن قۇرۋ مەن دامىتۋ جوسپارلانىپ وتىر. بۇل جاساندى ينتەللەكت تەحنولوگيالارىنا نەگىزدەلگەن اقپاراتتىق-ساراپتامالىق جۇيەنى, تسيفرلىق پورتال مەن تالداۋ قۇرالدارىن قامتيدى.
سونىمەن قاتار مەملەكەت باسشىسىنا مارات وماروۆ قازاقستان فۋتبول فەدەراتسياسىنىڭ پرەزيدەنتى رەتىندە وتاندىق فۋتبولدىڭ الەۋەتىن كوتەرۋ جانە ەلىمىزدەگى بالالار مەن جاسوسپىرىمدەر سپورتىن قولداۋ جوسپارىن تانىستىردى.
كەزدەسۋ سوڭىندا پرەزيدەنت باسەكەلەستىكتى دامىتۋ بويىنشا بىرقاتار تاپسىرما بەردى.
