فوتو: olympic.kz
ۇوك-ءتىڭ رەسمي دەرەگىنشە تۇركىستان وبلىسىنداعى «Alma-Tau» بازاسىندا قاڭتاردىڭ 13-31 ارالىعىندا جالپى جانە ارنايى فيزيكالىق دايىندىققا ارنالعان وقۋ-جاتتىعۋ جيىندارى ءوتىپ, وعان ءبىرىنشى, ەكىنشى, ءۇشىنشى, ءتورتىنشى ءنومىرلى سپورتشىلار قاتىسادى. ولاردىڭ قاتارىندا پاريج وليمپياداسىنىڭ كۇمىس جۇلدەگەرى نۇربەك ورالباي بار. ول ۇزاق ۋاقىتقا سوزىلعان ۇزىلىستەن كەيىن العاشقى جاتتىعۋىن باستاماق. رەسمي دەرەككوزدەردىڭ مالىمەتىنشە, ول مۇرىن قۋىستارىن ەمدەتىپ بولعان.
25 قاڭتار كۇنى ەكى قۇرام يسپانياعا اتتانىپ, ءبىر اپتاعا سوزىلاتىن وقۋ-جاتتىعۋ جيىنىنا قاتىسادى. ال اقپان ايىنىڭ 3-9 كۇندەرى سول ەلدەگى تۋرنيردە قۇراما بوكسشىلارى باق سىنايدى.
قالعان ەكى قۇرام تۇركىستان وبلىسىندا جاتتىعۋدى جالعاستىرىپ, بولگاريادا 23 اقپاندا رەسمي تۇردە باستالاتىن «ستراندجا كۋبوگى» دوداسىندا جۇدىرىقتاسادى.
