نەگىزى سۇحباتتا كۇردەلى جانە وتكىر ماسەلەلەر كوتەرىلدى. ولارعا پرەزيدەنت تاراپىنان بارىنشا اشىق جاۋاپ بەرىلىپ, سىرت اينالىپ كەتكەن نەمەسە بۇلتارىپ قالعان تاقىرىپ بولمادى. سونىمەن قاتار كەيىنگى كەزدە ەل اۋزىندا جۇرگەن, كەيدە جاعدايدى ۋشىقتىرۋعا تىرىساتىن قاۋەسەتتەرگە دە توقتالىپ, كۇدىكتى جايتتەردى سەيىلتە ءبىلدى.
وتكەن جىلعا باعا بەرىپ قانا قويماي, مەملەكەتتىك ساياساتتىڭ كوپتەگەن اسپەكتىسىنە, سونىڭ ىشىندە تسيفرلاندىرۋ, كاسىپكەرلىكتى دامىتۋ, سىبايلاس جەمقورلىق پەن ۇيىمداسقان قىلمىسقا قارسى كۇرەس, سىبايلاس جەمقورلىققا قارسى كۇرەس ماسەلەلەرىنە تەرەڭ ءمان بەردى. ءتىل ساياساتى جانە جاستار, سونداي-اق ەلىمىزدىڭ جاھاندىق دەرجاۆالارمەن جانە حالىقارالىق ۇيىمدارمەن بايلانىستارى تۋرالى اشىق ايتىلدى.
ۇسىنىلىپ وتىرعان رەفورمالار ساياسي توقىراۋدى بولدىرماي, ەلدىڭ تۇراقتى الەۋمەتتىك-ەكونوميكالىق دامۋىن قامتاماسىز ەتەتىنى انىق. بۇل پرەزيدەنتتىڭ ەلىمىزدە بولىپ جاتقان وقيعالار مەن فاكتىلەردەن جانە اتقارىلىپ جاتقان شارالاردان حاباردارلىعىن, حالىقپەن بىرگە ەكەنىن, بارىنە زەر سالىپ, باقىلاپ وتىراتىنىن, ەڭ باستىسى حالىقپەن اشىق ديالوگتە ەكەنىن تاعى دا دالەلدەدى.
جالپى, ءبىز قوعام جاي سوزدەن, وسەك-اياڭنان, قۇر سوزدەن اۋلاق بولۋىمىز كەرەك. ءىستىڭ, تىرلىكتىڭ ادامى بولۋدىڭ ۋاقىتى كەلدى دەپ ەسەپتەيمىز. مەملەكەتشىل بولۋ, پاتريوت بولۋ دەگەن ۇرانداتۋ ەمەس, بۇل – اركىم ءوز ءىسىن ادال اتقارۋ, مەملەكەتكە, قوعامعا ادال قىزمەت ەتۋ.
ادىلەتتى, ءادىل مەملەكەت قۇرۋدى باستى ۇستانىمعا اينالدىرۋ قاجەت. بۇل ءۇشىن ەڭ الدىمەن زاڭدىلىق جۇمىس ىستەۋگە ءتيىس. وسى تۋرالى پرەزيدەنت اۋەل باستان ايتىپ كەلەدى.
قازىر دەپۋتاتتار وڭىرلەردە حالىقپەن كەزدەسۋلەر وتكىزىپ جاتىر. كەزدەسۋلەردە پرەزيدەنتتىڭ ساياساتىن, قابىلدانىپ جاتقان زاڭداردى ءتۇسىندىرۋ جۇمىستارى جۇرگىزىلەدى. وسى كەزدەسۋلەر بارىسىندا پرەزيدەنتتىڭ «Ana tili» باسىلىمىنا بەرگەن سۇحباتى دا قىزۋ تالقىلاندى. بۇل كەزدەسۋلەردە جەرگىلىكتى تۇرعىندار مەلەكەت باسشىسىنىڭ ساياساتىن, رەفورمالارىن, باستامالارىن قولدايتىنىن جەتكىزىپ جاتىر. اسىرەسە جەرگىلىكتى اتقارۋشى ورگانداردىڭ رەفورمالارىنا كوڭىلى تولاتىنىن, ولاردىڭ باعىتىن دۇرىس دەپ ەسەپتەيتىنىن بايقاۋعا بولادى. ءوڭىردى بىلەتىن ازاماتتاردىڭ قىزمەتكە تاعايىندالۋى, مەملەكەتتىك ورگانداردى باسقارتۋعا دەيىن كوتەرىلۋى وڭ باستاما رەتىندە قابىلداندى.
مەملەكەت باسشىسى سۇحباتىندا پارلامەنت دەپۋتاتتارىنىڭ اتقارىپ جاتقان جۇمىسى مەن قوسىپ جاتقان ۇلەسىن وڭ باعالايتىنىن ايتتى. بۇل جالپى پارلامەنتتىڭ پرەزيدەنت جۇرگىزىپ وتىرعان رەفورمالارى مەن باستامالارىن زاڭنامالىق تۇرعىدان قامتاماسىز ەتۋدەگى بەرىلگەن باعاسى ەكەنى انىق. بۇگىنگى پارلامەنت يدەيالار, وزىق ويلار, ءتۇرلى پىكىرلەر مەن كوزقاراستار تالقىلايتىن, ورتاق شەشىم قابىلدايتىن الاڭعا اينالىپ وتىر.
بۇگىندە قازاقستاننىڭ دامۋىندا ماڭىزدى قادامدار جاسالىپ, ەلدىڭ ىشكى جانە سىرتقى ساياسي باعىتى دۇرىس جولدا ەكەنىن كورۋگە بولادى. ينفراقۇرىلىمنىڭ دامۋى مەن الەۋمەتتىك-ەكونوميكالىق باستامالار جانە ساياسي جاڭعىرۋ حالىقتىڭ ءومىر ساپاسىن جاقسارتۋعا باعىتتالعان.
ءالي بەكتاەۆ,
سەنات دەپۋتاتى
